إلى قمر العشيرة ابوالفضل العباس ((ع))
يالعبّاس
بس انتَ الطبيب العتبتَك تِنباس
ياباب المراد ونخوَة المَتعوب
ياحبل الأمَل للكطع حبل الياس
آنا بعيد عنّك ولو بيّه تعيش
خجلان اشتكيلك من مرار الكاس
والساني التعوَّد يلهج بطاريك
يمهه وينكسر ويلعثمه الوهواس
جَنّي امطالبك دمعي البجيته عليك
لو حفنة قوافي اتسولفت للناس
يالعبّاس
حبك بالضمير الماعليه حراس
كل حب بي طعم بس طعم حبك غير
حب لاينوصف واحجيه ولا ينقاس
مو حب يصفه دمعه وينشف بعاشور
ولا حب يصفه قصه وينطوي بكراس
كلهن يجن تالي لو زَرِع بعدين
بس حبك البذره التنبت امن الساس
تولد بالارحام وتشب ويه العود
بالدم اليدور من الجدم للراس
يالعبّاس
من شافك الموت وحلف بالعبّاس
جا كبلك متت لو بيدي امرِّ الموت
واحرس هامتك من وكع عنهه الطاس
جا طحت على اديك ولا شفتهه اتطيح
وبذيج الحوافر رايتك تنداس
جا رديت سهم العكد بين احشاك
والسهم التجاسر والبعينك جاس
جا شديت حيلك كبل جيت حسين
وايشوفك علم ما ينكسرلك باس
يالعبّاس
ياسبع النهر يالجربتك نوماس
جا رديت سهم البدَّه ماي الجود
وترد للخيم يالبالوفه نبراس
توفي بوعد سكنه وترتوي الرضعان
ويشوفك الجيش الماله عد ينحاس
تمسح دمعة اختك وانت ترعِد غيض
بس الموت يعذر لو جدمهم داس
طالع للمنايه العذر لله وليج
والموت بشرف يم الخدر لاباس
يالعبّاس
انت اول كمر مذبوح يضوي الناس
راسك من تعلّه اعله الرمح للشام
طبعه يعيش عالي الكمر ما ينجاس
حيدر لقبك ساقي ومتت عطشان
باس جفوفك وبعدك رضيع انفاس
يمعلّي المناير تومي للزوّار
مثلك ذهب صافي وما خلطهه نحاس
جم معصوم الك شاهد اليوم الدين
جم معصوم منهم على جفوفك باس
يالعباس
يالعبّاس
يالعبّاس
بس انتَ الطبيب العتبتَك تِنباس
ياباب المراد ونخوَة المَتعوب
ياحبل الأمَل للكطع حبل الياس
آنا بعيد عنّك ولو بيّه تعيش
خجلان اشتكيلك من مرار الكاس
والساني التعوَّد يلهج بطاريك
يمهه وينكسر ويلعثمه الوهواس
جَنّي امطالبك دمعي البجيته عليك
لو حفنة قوافي اتسولفت للناس
يالعبّاس
حبك بالضمير الماعليه حراس
كل حب بي طعم بس طعم حبك غير
حب لاينوصف واحجيه ولا ينقاس
مو حب يصفه دمعه وينشف بعاشور
ولا حب يصفه قصه وينطوي بكراس
كلهن يجن تالي لو زَرِع بعدين
بس حبك البذره التنبت امن الساس
تولد بالارحام وتشب ويه العود
بالدم اليدور من الجدم للراس
يالعبّاس
من شافك الموت وحلف بالعبّاس
جا كبلك متت لو بيدي امرِّ الموت
واحرس هامتك من وكع عنهه الطاس
جا طحت على اديك ولا شفتهه اتطيح
وبذيج الحوافر رايتك تنداس
جا رديت سهم العكد بين احشاك
والسهم التجاسر والبعينك جاس
جا شديت حيلك كبل جيت حسين
وايشوفك علم ما ينكسرلك باس
يالعبّاس
ياسبع النهر يالجربتك نوماس
جا رديت سهم البدَّه ماي الجود
وترد للخيم يالبالوفه نبراس
توفي بوعد سكنه وترتوي الرضعان
ويشوفك الجيش الماله عد ينحاس
تمسح دمعة اختك وانت ترعِد غيض
بس الموت يعذر لو جدمهم داس
طالع للمنايه العذر لله وليج
والموت بشرف يم الخدر لاباس
يالعبّاس
انت اول كمر مذبوح يضوي الناس
راسك من تعلّه اعله الرمح للشام
طبعه يعيش عالي الكمر ما ينجاس
حيدر لقبك ساقي ومتت عطشان
باس جفوفك وبعدك رضيع انفاس
يمعلّي المناير تومي للزوّار
مثلك ذهب صافي وما خلطهه نحاس
جم معصوم الك شاهد اليوم الدين
جم معصوم منهم على جفوفك باس
يالعباس
يالعبّاس
يالعبّاس