قصائد وطنيه
لا تبجيــــن
لا تبجيــــن
لاتبجين غيمه إنتِ توجينَ
إو على آخر جرح بالروح بجفوفج تحنين
تجيبين الليالي إلما تجي إو كـَمره تجين
نهر يشبكـَ نهر ونهودج عطشها إسنين
يلين الحزن.. بجفوفي وخصرها إيلين
النهر دافي إو حزين الضحك كـَمره إو بساتين
صدرج مهره مذعوره توّج الروح بالجفين
تصهل إبليل إو ترد هاله خضره إمن الحنين
صحراوي هذا العطش يحلم بالنهر جفين
يرف لون الخصر كـَبل اللمس: جنحين
خـَطف ياخذ حنين الروح عليج إمن العطش نهرين
إصابيعج اغاني الماي تتلون غنج واسرار
كـَميره إمن الفرح واسرار
إصابيعج ورد من نار
تجيب الكـَمره للظلمه إو تفل اسرار باسرار
إصابيعج برد من نار
إصابيعج ليالي إطوال
إصابيعج توّج كـَبل اللمس ذكرى إو جمر تذكار
أحلم بطولج نهر توّج خضره البساتين
مهر ياخذ إصابيعي إبصهيل إو يشعل الصوبين
علميني المشي عالماي علميني الركـَص بالنار
أسهر إلأبعد صبح هيبه إو كـَمر واسرار
ويهيم الحنين إعليك هاله إمن الحزن واسرار
علميني أجيس الحجر ينطوي بجفي إو يلين
علميني .. علميني آخ أدوسن عالجرح صوبين
درويش الاغاني ما فرح طوله الحزين
يتلكـَه النهر جرفين إو يفيض إمن العطش لو رفت العين
إو ماتدرين.........
عزيز إيعاند الغربه إو يرد إمن الفرح كلّش حزين
يهيم إخيول مذعوره ماتعرف تريد إلوين..؟
نزيف إعيوني ياخذني.. العراق إمنين....؟
يجي منك جرح. أفرح .. يجن جرحين
صحراوي هذا الحلم يمتد للابد ماشين
ماأدري إنت ِ من ياصبح مهره تجين
النفـَسْ ورد البساتين إخذيني... إخذيني
أصد الخوف من يعرض تجين إو ما تجين
الجمر يخضر من تجين
الكـَمر يكبر من تجين
يالون البرد بجفوج الحلوين
تزيد إمن الحزن كلْما فرحها إيزيد
ياخفكـَ الحمام إو لهفة التنهيد
مذعور الصدر دوّخ إصابيعي إو حّير النهدين
سرب إمن الحمام ايطير مدري الوين..؟
كل عمري يمتد نهر يفيض ايضيّع الجرفين
أموت إمن العطش لمن تجين إو ماتجين
أمر برد الصبح بجفوفج إتحلمين:
شمس تاخذ إصابيعي نهار الغبشه الماشين
إنتَ منين وآنه إمنين...؟
جرح يجمع عذابين تحزن اشوفك
كـَمر يغركـَ بالنزف ليوين
حـِزين الكـَمر بجفوفي ليالي إينوح
ياصوت إليهيم اشراع للروح
يا.. سر... الجيب.. الروح.. للروح
ياكـَلبي.. إلعليك... إبذله مذبوح
إشعلي الماضي كله ابليل
إوحيل إبجي عليّه شما بالنـَفـِس من حيل
إخذيني ظلام إو خوف
لميني نزف ما شوف
داويني كـَمره الوطن يهيم إعيون لَشـّوف
إخذيني نهر أزركـَ يفيض إمن الفرح ويشوف
يلمض الليل إو يفز : خيل إو شمس وسيوف
حـِزين النهر يتلمس بيديج إطيوف
يوّج برد الاصابع من حنين الخوف
ويهيم غبشه الصدر لجفوفي كلي إنشوف
مذعور الشـَعر بالريح مهره إبلا رسن وطيوف
إخذيني خذاني الخوف
إخذيني نزف شاعر يطيح إعله الورق ملهوب
إخذيني قصيدة هور تدوي إبكل حرف مشحوف
إخذيني... إخذيني كـَمره إو حصن وسيوف
أريد إلما تريده الناس وأحلم بالظلام إيشوف
أهيم إمن الحزن وأوكـَــف إبطولي اشراع
ولك ماي النهر كل عمره بس ... إوداع
الوطن بين الاصابع ما يمس الكـَـاع
أفرح يموت الفرح أحزن توّج اسرار
أسافر بالدمع مرتين
. مره حنين الصدر ياخذني مدري الوين..؟
. ومره الاصابع توّج روحي اغينه ابجفين وين..
وين إتغني بجفوفك تريد إلوين..؟
يهيم الصوت بالكـَـمره عـَلَيْ : مهرين
ياخذني الصهيل إو يرد خوف إيفزز النهدين
أغانيّك حنين إجفوف بالنهدين
حمام إيطير بالكـَـمره لوين....؟
أطير ابلا جنح جنحين...!
أغانيـّك نهر تاخذ حنيني انهار
أغانيـّك سفن من نار
فرح ورد القميص إبجية الخطار
أغانيـّك جمر بيت الفقير إو عزة الأفكار
أغانيـّك تهز ليل المدينه بكـَـمرة الاسرار
أغانيـّك فرح درويش يلعب بالجمر والنار
أغانيـّك تمس جرح الشهيد بدمعة الثوار
وين إتغني بجفوفك تريد ... إلوين....؟
يهيم الصوت بالكـَمره عَلَيْ مهرين
أغانيـّك نزيف إعيون تجيب الكل صبح شمسين
دلّيني العراق إمنين.....؟
للشاعر عزيز السماوي
لاتبجين غيمه إنتِ توجينَ
إو على آخر جرح بالروح بجفوفج تحنين
تجيبين الليالي إلما تجي إو كـَمره تجين
نهر يشبكـَ نهر ونهودج عطشها إسنين
يلين الحزن.. بجفوفي وخصرها إيلين
النهر دافي إو حزين الضحك كـَمره إو بساتين
صدرج مهره مذعوره توّج الروح بالجفين
تصهل إبليل إو ترد هاله خضره إمن الحنين
صحراوي هذا العطش يحلم بالنهر جفين
يرف لون الخصر كـَبل اللمس: جنحين
خـَطف ياخذ حنين الروح عليج إمن العطش نهرين
إصابيعج اغاني الماي تتلون غنج واسرار
كـَميره إمن الفرح واسرار
إصابيعج ورد من نار
تجيب الكـَمره للظلمه إو تفل اسرار باسرار
إصابيعج برد من نار
إصابيعج ليالي إطوال
إصابيعج توّج كـَبل اللمس ذكرى إو جمر تذكار
أحلم بطولج نهر توّج خضره البساتين
مهر ياخذ إصابيعي إبصهيل إو يشعل الصوبين
علميني المشي عالماي علميني الركـَص بالنار
أسهر إلأبعد صبح هيبه إو كـَمر واسرار
ويهيم الحنين إعليك هاله إمن الحزن واسرار
علميني أجيس الحجر ينطوي بجفي إو يلين
علميني .. علميني آخ أدوسن عالجرح صوبين
درويش الاغاني ما فرح طوله الحزين
يتلكـَه النهر جرفين إو يفيض إمن العطش لو رفت العين
إو ماتدرين.........
عزيز إيعاند الغربه إو يرد إمن الفرح كلّش حزين
يهيم إخيول مذعوره ماتعرف تريد إلوين..؟
نزيف إعيوني ياخذني.. العراق إمنين....؟
يجي منك جرح. أفرح .. يجن جرحين
صحراوي هذا الحلم يمتد للابد ماشين
ماأدري إنت ِ من ياصبح مهره تجين
النفـَسْ ورد البساتين إخذيني... إخذيني
أصد الخوف من يعرض تجين إو ما تجين
الجمر يخضر من تجين
الكـَمر يكبر من تجين
يالون البرد بجفوج الحلوين
تزيد إمن الحزن كلْما فرحها إيزيد
ياخفكـَ الحمام إو لهفة التنهيد
مذعور الصدر دوّخ إصابيعي إو حّير النهدين
سرب إمن الحمام ايطير مدري الوين..؟
كل عمري يمتد نهر يفيض ايضيّع الجرفين
أموت إمن العطش لمن تجين إو ماتجين
أمر برد الصبح بجفوفج إتحلمين:
شمس تاخذ إصابيعي نهار الغبشه الماشين
إنتَ منين وآنه إمنين...؟
جرح يجمع عذابين تحزن اشوفك
كـَمر يغركـَ بالنزف ليوين
حـِزين الكـَمر بجفوفي ليالي إينوح
ياصوت إليهيم اشراع للروح
يا.. سر... الجيب.. الروح.. للروح
ياكـَلبي.. إلعليك... إبذله مذبوح
إشعلي الماضي كله ابليل
إوحيل إبجي عليّه شما بالنـَفـِس من حيل
إخذيني ظلام إو خوف
لميني نزف ما شوف
داويني كـَمره الوطن يهيم إعيون لَشـّوف
إخذيني نهر أزركـَ يفيض إمن الفرح ويشوف
يلمض الليل إو يفز : خيل إو شمس وسيوف
حـِزين النهر يتلمس بيديج إطيوف
يوّج برد الاصابع من حنين الخوف
ويهيم غبشه الصدر لجفوفي كلي إنشوف
مذعور الشـَعر بالريح مهره إبلا رسن وطيوف
إخذيني خذاني الخوف
إخذيني نزف شاعر يطيح إعله الورق ملهوب
إخذيني قصيدة هور تدوي إبكل حرف مشحوف
إخذيني... إخذيني كـَمره إو حصن وسيوف
أريد إلما تريده الناس وأحلم بالظلام إيشوف
أهيم إمن الحزن وأوكـَــف إبطولي اشراع
ولك ماي النهر كل عمره بس ... إوداع
الوطن بين الاصابع ما يمس الكـَـاع
أفرح يموت الفرح أحزن توّج اسرار
أسافر بالدمع مرتين
. مره حنين الصدر ياخذني مدري الوين..؟
. ومره الاصابع توّج روحي اغينه ابجفين وين..
وين إتغني بجفوفك تريد إلوين..؟
يهيم الصوت بالكـَـمره عـَلَيْ : مهرين
ياخذني الصهيل إو يرد خوف إيفزز النهدين
أغانيّك حنين إجفوف بالنهدين
حمام إيطير بالكـَـمره لوين....؟
أطير ابلا جنح جنحين...!
أغانيـّك نهر تاخذ حنيني انهار
أغانيـّك سفن من نار
فرح ورد القميص إبجية الخطار
أغانيـّك جمر بيت الفقير إو عزة الأفكار
أغانيـّك تهز ليل المدينه بكـَـمرة الاسرار
أغانيـّك فرح درويش يلعب بالجمر والنار
أغانيـّك تمس جرح الشهيد بدمعة الثوار
وين إتغني بجفوفك تريد ... إلوين....؟
يهيم الصوت بالكـَمره عَلَيْ مهرين
أغانيـّك نزيف إعيون تجيب الكل صبح شمسين
دلّيني العراق إمنين.....؟
للشاعر عزيز السماوي
شنو ذنبه الوطن يوميه مجروح؟؟
شنو ذنبه الوطن يوميه مجروح؟؟
ويصرخ من جروحه ومحد يسمعه
مسكين اتخدع هالوطن بالناس
بقى محتار دوم وعايش بخدعه
إبتسم رغم الجرح حسباله تهواه
وكلهه اعداه حيه ورايده تلسعه
وبقى يبجي بدمع وبحسره وهموم
اووينه الي ينشف هالوكت دمعه
ويوميه انفجار وابرياء تموت
وصبح اسم الامان من ايده مضيعه
وينزف جرح ولده وابد ميطيب
ومُرطعم الصبر مايكدر يجرعه
كم ام بابنهه تألمت اليوم
شكثر شهدت جرح وشكثر منفجعه
من شافت دماه اعلى الارض سال
وصاحت (آه يمه)وركضت مفرعه
يلم ناسه العراق يريد هاليوم
وبس باقي جروحه متوجعه
ويتمنى بأمل ترجعله الأحباب
ياربِّ الوطن بأحبابه تجمعه
ونحبكـ ياوطن صدّكنه نهواكـ
ياغاية امل بدروبنه وشمعه
ويصرخ من جروحه ومحد يسمعه
مسكين اتخدع هالوطن بالناس
بقى محتار دوم وعايش بخدعه
إبتسم رغم الجرح حسباله تهواه
وكلهه اعداه حيه ورايده تلسعه
وبقى يبجي بدمع وبحسره وهموم
اووينه الي ينشف هالوكت دمعه
ويوميه انفجار وابرياء تموت
وصبح اسم الامان من ايده مضيعه
وينزف جرح ولده وابد ميطيب
ومُرطعم الصبر مايكدر يجرعه
كم ام بابنهه تألمت اليوم
شكثر شهدت جرح وشكثر منفجعه
من شافت دماه اعلى الارض سال
وصاحت (آه يمه)وركضت مفرعه
يلم ناسه العراق يريد هاليوم
وبس باقي جروحه متوجعه
ويتمنى بأمل ترجعله الأحباب
ياربِّ الوطن بأحبابه تجمعه
ونحبكـ ياوطن صدّكنه نهواكـ
ياغاية امل بدروبنه وشمعه
عفيه شعب
عفية شعب ...
بيه العجايب مو عجب
جمعة ندم ... جمعة غضب
أنواع عدنه من الجمع
كل وحده عنوان وخطب
جمعة صمت ... جمعة شغب
جمعة حواسم بالبلد
جمعة سلب
عفية شعب ...
مرة لطم ... مرة لعب
مرة يصفك للصنم
مرة يشجع المنتخب
عفية شعب ...
نايم على آبار النفط
ولهسه يطبخ بالحطب
عفية شعب . ..
مثل الجمل عاكول ياكل للأسف
وشايل على ظهره ذهب
حتى بوكت بيده الأمر
تيّه احسابه وما حسب
وحتى البعض من أمّنه
ونطاه صوته وصعده
بس يوصل الكرسي كَلب
نهرين عنده وما زرع
والغربة بيه زرعت رعب
عبوات . ..والغام ... وحزم
ما قصروا أهلي العرب
دم ومآتم حمّلت
وصار الحصاد من الركَب
يابو لهب ...
وارتاح لتشيل الحمل
حماله عدنه اعله الطلب
بس يا شعب ...
معذور من صابك تعب
ثلاثين مرَّن بالألم ...
بالجوع مرة ... وبالحرب
جيش القدس ... جيش الفرس
جيش السما ... جيش الأرض
وجيوش أنواع ورتب
بس يا شعب لا تستلب
فك عينك وشوف الدرب
ميّز العدو ... من المحب
ميّز الصدك ... من الجذب
ركِّز عدل ... من تنتخب
الشغلة لازم تنحسب
هذا عدل ... لو مو عدل
أصل وفصل ... لو بس شكل ؟
من الكتل ... من النخب ؟
بس للوطن ... لو للحزب ؟
ميهمك شلابس بعد . ..
قاط أجنبي ... صاية وعكَل
عمامة وبشت
المهم شايلَّه عقل
والمهم ميبيع البخت
والمهم ... والكلش أهم
صادق يحافظ على الشعب
بيه العجايب مو عجب
جمعة ندم ... جمعة غضب
أنواع عدنه من الجمع
كل وحده عنوان وخطب
جمعة صمت ... جمعة شغب
جمعة حواسم بالبلد
جمعة سلب
عفية شعب ...
مرة لطم ... مرة لعب
مرة يصفك للصنم
مرة يشجع المنتخب
عفية شعب ...
نايم على آبار النفط
ولهسه يطبخ بالحطب
عفية شعب . ..
مثل الجمل عاكول ياكل للأسف
وشايل على ظهره ذهب
حتى بوكت بيده الأمر
تيّه احسابه وما حسب
وحتى البعض من أمّنه
ونطاه صوته وصعده
بس يوصل الكرسي كَلب
نهرين عنده وما زرع
والغربة بيه زرعت رعب
عبوات . ..والغام ... وحزم
ما قصروا أهلي العرب
دم ومآتم حمّلت
وصار الحصاد من الركَب
يابو لهب ...
وارتاح لتشيل الحمل
حماله عدنه اعله الطلب
بس يا شعب ...
معذور من صابك تعب
ثلاثين مرَّن بالألم ...
بالجوع مرة ... وبالحرب
جيش القدس ... جيش الفرس
جيش السما ... جيش الأرض
وجيوش أنواع ورتب
بس يا شعب لا تستلب
فك عينك وشوف الدرب
ميّز العدو ... من المحب
ميّز الصدك ... من الجذب
ركِّز عدل ... من تنتخب
الشغلة لازم تنحسب
هذا عدل ... لو مو عدل
أصل وفصل ... لو بس شكل ؟
من الكتل ... من النخب ؟
بس للوطن ... لو للحزب ؟
ميهمك شلابس بعد . ..
قاط أجنبي ... صاية وعكَل
عمامة وبشت
المهم شايلَّه عقل
والمهم ميبيع البخت
والمهم ... والكلش أهم
صادق يحافظ على الشعب
ردت اتغازل بأسم العراق
انه ردت اتغازل بأسم العراق
ياشعر والناس تقره احروفك
كلي ياشاعر كتب وبوصفه جاد
ويابحر يوصل جرف لجروفك
بردا النار اعله شعبك ياعراق
ابحضني اريد اليوم أأمن خوفك
ياشعر والناس تقره احروفك
كلي ياشاعر كتب وبوصفه جاد
ويابحر يوصل جرف لجروفك
بردا النار اعله شعبك ياعراق
ابحضني اريد اليوم أأمن خوفك
ساكت ياوطن
ساكت ياوطن والحركَه تاكل بيك
لو خايف أظن والسكته من خوفك
من حرب الحرب جبنه العمر وياك
من اكل الجثث ما ينترس جوفك
مابيك الذنب كَول الذنب چا وين
يمكن نعتذر لو نفهم ظروفك
چنت المدرسه وبيك الشعب طلاب
وبس دك الجرس شو فارغه صفوفك
تقبل ياوطن يرضيك هذا الحال
ناسك للأسف تتراكض تعوفك
وتقبل ياوطن شبانك الحلوين
تتغرب غصب تحرمهه من شوفك
جاوب لا تظل ساكت يبو الثورات
عشرينك أمس اتعيش بطيوفك
من طور الحزن ملينه ما مليت
چاطور الفرح ما تعزف دفوفك
من ريد الفرح بس كون ريدك سيف
موعيب بغمد اتنام اسيوفك
بايكَ ما صرت ما خاف من جلاد
مو هذا شعارك هذا معزوفك
چاشنهو التغير يا عراق شبيك
مو چانت دول ما تنطق حروفك
نعتب ياوطن من حبنه الك والله
شفناكم نهر عطشانه جروفك
ومن نصحك لأن صدكَنه كلنه اخطاء
يا بيت الكرم نبقه احنه ضيوفك
أصفن ويه نفسك راح تعرف زين
لو ما تنتفض چاضاع معروفك
عذراً يا وطن بس ثور حتى نثور
لو تكَضي العمر بالقيد چفوفك
لو خايف أظن والسكته من خوفك
من حرب الحرب جبنه العمر وياك
من اكل الجثث ما ينترس جوفك
مابيك الذنب كَول الذنب چا وين
يمكن نعتذر لو نفهم ظروفك
چنت المدرسه وبيك الشعب طلاب
وبس دك الجرس شو فارغه صفوفك
تقبل ياوطن يرضيك هذا الحال
ناسك للأسف تتراكض تعوفك
وتقبل ياوطن شبانك الحلوين
تتغرب غصب تحرمهه من شوفك
جاوب لا تظل ساكت يبو الثورات
عشرينك أمس اتعيش بطيوفك
من طور الحزن ملينه ما مليت
چاطور الفرح ما تعزف دفوفك
من ريد الفرح بس كون ريدك سيف
موعيب بغمد اتنام اسيوفك
بايكَ ما صرت ما خاف من جلاد
مو هذا شعارك هذا معزوفك
چاشنهو التغير يا عراق شبيك
مو چانت دول ما تنطق حروفك
نعتب ياوطن من حبنه الك والله
شفناكم نهر عطشانه جروفك
ومن نصحك لأن صدكَنه كلنه اخطاء
يا بيت الكرم نبقه احنه ضيوفك
أصفن ويه نفسك راح تعرف زين
لو ما تنتفض چاضاع معروفك
عذراً يا وطن بس ثور حتى نثور
لو تكَضي العمر بالقيد چفوفك
محد عايدك ياعراق
محّد عايدك يا موطني شبيك
وأطفالك يتامى تريد عيديّة
كليجتهم ظلم وجروح بالعيد
والهاون عليهم يدگ ليليّة
بعد عيدك مبارك ما يگولون
بدل صوت المآذن صوت سمتيّة
ومن يطلع طفلنة اعلى المراجيح
زعلانة عليه اتگلّة ما بيــّة
ودمعاته اعلى خدّة تگول نيران
ويتعثّر صفة بالروحة والجيّة
وتتطشّر احلامة وتظل احلام
گبل چان ايتمنّى ايروح كليّة
وأطفالك يتامى تريد عيديّة
كليجتهم ظلم وجروح بالعيد
والهاون عليهم يدگ ليليّة
بعد عيدك مبارك ما يگولون
بدل صوت المآذن صوت سمتيّة
ومن يطلع طفلنة اعلى المراجيح
زعلانة عليه اتگلّة ما بيــّة
ودمعاته اعلى خدّة تگول نيران
ويتعثّر صفة بالروحة والجيّة
وتتطشّر احلامة وتظل احلام
گبل چان ايتمنّى ايروح كليّة
اصبر ياوطن
اصبــر يا وطن شداتك تـهــون الطبــولـك غفـل بـاجــر يشــردون..
اصبــر ياوطـن يـالكلــك اعجـــــاز
ياخيمـة دفــو وللضيــف ماعـــون..
باجــر ياوطنـة أتخضــر اشمـــوع
ونبنيلك صـرح مـن رمش العيـون..
وباجــــر يا وطن ماتبقــى أيتــــام وباجــر يـاوطــن كلهــم يكبـــرون..
الجــرح أشمـا كبـــر يتسلــى بالآه وبجـرحـك جمــر كَامـوا يحطـــون
يالطبعـك شمس ماظمها كـل غـيـم
بـاجــر بالحصـاد الكـل ينـدمــــون..
كـــل ظنهـــم طحـت ما تكَــدر اتكَــوم وذيـــاب الغــــدر رادوا يعـيثـــــون..
مثل ظنهـم يموت الـذبحـوا حسيـن
وبعـده حسين باقي الكل يشهـدون..عـايـن كَبتــة وشـاهــــدة الـــزوار
يحظــر كـل سنـة ويـة اليــزورون..
البخيــرك ربــه وبحضنــك اينــــام علاسـك صفة أيدلــي اليبـوكَــــون..
ولأن حيلـك سمـة ماشالتـة الكَــاع
واذا طـاح السمة يتخـربط الكـــون..
ولأن ليلك صمت مصباحك أحـزان
شعبـك بالقتــل والهـم يصبحــــون!!
وليش انتــه الـوحيـد بشهــر رمضان؟
على صوت انفجار اهلك يفطـرون؟؟
وليش بيا ذنـب لمـن يجـي العيـــد؟؟
هــديـة المـوت عـدنـه لليعيــدون؟؟
وليـش بياذنــب اطفـالــك اليـــــوم صار أول درس عـدهم يلطمـون؟؟
وأطفـال المكَابــر طفــو عـالكَــــاع بخـدود الــورد كَـامـوا يظهــــرون!!
ولأن كَاعك كَبر ضم هاي الاجساد
صار النخل عـدنـه أيحمل أعيــون!!
جثـة أبــلا هـويــة كتبــوا أعليــــه وهـذا ابـن الـوطن واجـب يكتبـون..
كلمــن ينـدفــن بتــرابــك ارتـــــاح
وطبـع الليل و بالمحـار مــدفــــون..
اذآ واجـب علينــه أنقــدس الكَــاع وتـرابـك نحـرمة اعـلة اليـدوسون..
ومادامك اصيل وبيـك أبـو حسيــن والفقــار بيـــده تبقـــى مـامـــــون..
اصبــر ياوطـن يـالكلــك اعجـــــاز
ياخيمـة دفــو وللضيــف ماعـــون..
باجــر ياوطنـة أتخضــر اشمـــوع
ونبنيلك صـرح مـن رمش العيـون..
وباجــــر يا وطن ماتبقــى أيتــــام وباجــر يـاوطــن كلهــم يكبـــرون..
الجــرح أشمـا كبـــر يتسلــى بالآه وبجـرحـك جمــر كَامـوا يحطـــون
يالطبعـك شمس ماظمها كـل غـيـم
بـاجــر بالحصـاد الكـل ينـدمــــون..
كـــل ظنهـــم طحـت ما تكَــدر اتكَــوم وذيـــاب الغــــدر رادوا يعـيثـــــون..
مثل ظنهـم يموت الـذبحـوا حسيـن
وبعـده حسين باقي الكل يشهـدون..عـايـن كَبتــة وشـاهــــدة الـــزوار
يحظــر كـل سنـة ويـة اليــزورون..
البخيــرك ربــه وبحضنــك اينــــام علاسـك صفة أيدلــي اليبـوكَــــون..
ولأن حيلـك سمـة ماشالتـة الكَــاع
واذا طـاح السمة يتخـربط الكـــون..
ولأن ليلك صمت مصباحك أحـزان
شعبـك بالقتــل والهـم يصبحــــون!!
وليش انتــه الـوحيـد بشهــر رمضان؟
على صوت انفجار اهلك يفطـرون؟؟
وليش بيا ذنـب لمـن يجـي العيـــد؟؟
هــديـة المـوت عـدنـه لليعيــدون؟؟
وليـش بياذنــب اطفـالــك اليـــــوم صار أول درس عـدهم يلطمـون؟؟
وأطفـال المكَابــر طفــو عـالكَــــاع بخـدود الــورد كَـامـوا يظهــــرون!!
ولأن كَاعك كَبر ضم هاي الاجساد
صار النخل عـدنـه أيحمل أعيــون!!
جثـة أبــلا هـويــة كتبــوا أعليــــه وهـذا ابـن الـوطن واجـب يكتبـون..
كلمــن ينـدفــن بتــرابــك ارتـــــاح
وطبـع الليل و بالمحـار مــدفــــون..
اذآ واجـب علينــه أنقــدس الكَــاع وتـرابـك نحـرمة اعـلة اليـدوسون..
ومادامك اصيل وبيـك أبـو حسيــن والفقــار بيـــده تبقـــى مـامـــــون..
صدكَ ياوطن باجر امان يصير
الشاعر نائل المظفر
بـاجـر كـلشي عندي وكلـشي ماعندي
بـاجر ماكــو عـبوة وماكـو مـحـتـليـن
ومـن جـف النواصـب يـنتـقم خـــدي
بــا جـر يـــاوطــن خـيـرك يـرد ردود
وتـرد الــدول مــن عــندك تــجــدي
باجر نـنـسـعـد بـس يمته باجر هذ؟؟؟
بـاجر يا وطـن مـن يــطـلـع المهدي
وافرض ماطلع تبقه إعله هـذا الحال؟؟
وايـدك فوك خـدك والجــفـن يـدمــع
بيتــك بس إسم مو أنت تـحـكـم بيه
وتـخّلـي الغابة ضــلمة وبابك إمـشّرّع
وأهـلــك ناكَـتك والنـاصبـي الخـطـار
وتـريــد تــصـيـر حاتم بينه تـتـبـرع
وجا لك كَلب ضبـيه إمسّرّد من الخوف
وعـيون الذئا ب إعــلـه الكَـلب تـلمـع
وبناتـك صّـم لـحم وبـلا غـطه تخليــه
وجـيــرانك نـمـل من عـيـنهم يطلع
ونـها رك بـي لِـثـّك دم وبنات صغـار
لـحـمـهن با لـشـوارع جـمـلة يـتـوزع
واذا فات العصر عينك تــصـب غروب
واذا فـات الــهمر مــيّـة مـتر تـرجع
وتـسـكت ما تـثـور إتـّاني عبوه تثور
وأخوك إبـّـاب بـيـتـك لحـمه يتكَطع
ويـفـتـشـون بـختــك وأنتّ كلك عين
وتــصيح إبـإذانـك وإنـتّ مـــا تـفـزع
بـعـد شـيـسـوي يطلع قابل إيدليك؟؟
مـقـر أمريكي هـذا وبـيـدك المدفع!!
لـو يـطـلع يكَلك هايّ عيني وشوف؟؟؟
لـو يـسـمع مكانك خاف ما تسمع؟؟؟
لإمامك ماثرت والـقـبـة ذيـج تـراب
وهـسـه تصيح لإبنه تريـده إلك يفزع
إذامو انامـهدي وإنتّ مـهدي تـصير
لـو يطــلــع المهدي المـهـدي ما يطلع
وبعد شيصير أكثر وإنتّ تفزع عود؟؟؟
إشتسّوي أمريكا بيك وإلها ما تخضع
زنوا با للـيل بـأرضك والصبح باكَوك
ما هـمــهـم نـهـار ولا شمـس تطلع
وتوكـلهم لـحمتك وانت ميت جوع
وتـلـّبسهـم حـريـر وثـوبـك إمركَع
ولا تـدمع عـيونـك جـن ولا حـلبوك
وعـيـون الـنـفـط بـعـيونهم تدمع
ولا سـووك سـاحـة ودوله للإرهاب؟؟
ولا بعض البعض من بعضك إتبضع
كل شبرين بأرضك دولة صارت بيك
وكـل عشـرين مـسـلم قلِدّوا مرجع
وإذا واحـد يـكَـلـك إحنا متوحـدين
خـيـطـب لـلـشمال وبـي علم يرفع
لاتـصـفن بـعد والصـفنه إلك مَتلوكَ
كَـبـل تـزأر جـنـت والـكـون يتـصدع
إزأر مـو كـفر تسـتـاسـئـد الـجرذان
وألأرنب عــليـك شـلـون يـتـضـبــع
عراقي من الحرب معقوله كَمت تخاف
وإنـتّ مـن الـقذايـف بـيـتك إمرصع
جنت طـيـنة سـواتـر والله نافخ بيك
وعــضامـك شــضايا وجـسمك إمدّرّع
إرجع مـثل ألأول حـتى حـر تـعـيش
لـو مـوت بـمكانـك كـون مـاتـرجـع
ياعراق
الشهيد الشاعر رحيم المالكي
يا عراق الطاح فدوه وما أنحنيت
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني
ولو طبع السيف اصلن منحني
حارسك حيدر علي وطف كربلاء
وكلنا فد نروحلك انا وبني
سمل طابوكات طاحن وتفداك
العثر ينهض والتهدم ينبني
هذن مرن عليّ وفايتات هواي
الويهن صبر ويخسن يلوّني
جبت عمري سفينة مكّالب ويا الموج
ما شفت المراسي ويوم ّلفني
من حد السيوف الظالمة اشرب موت
ورحى الطاغية بكل يوم تطحني
صرت كلي مقابر والبيوت سجون
جن حزب البعث مصنوع يسجني
هذن كلهن ضكتهن والعرب يا حيف
شربت نخب موتي وكاعدة تغني
طرب غنت الموت وساندت صدام
شنسى من العروبة الكثرت وني
ضايع بين غربة وخنجر الجلاد
وسفارات العرب ما رضت تقبلني
وتصافح قاتلي بعض العرب لليوم
وفضائياتهم للان تقتلني
حكام العرب يا جيفة التاريخ
طز بالجامعة الحاولت تخذلني
وطز بعمر موسى وكائنا من كان
ما اريد العرب فد يوم توصلني
ما محتاج كلب القاهرة بأي عون
أنا اندل المجد والمجد يندلني
انا سن الصخر والنايبات بماي
ينشف مايهن بس ما يطيحني
تعلمت البطولة من الشهيد حسين
من كّل للسيوف الباشقة اخذني
أوجن واشتعل كلي وأصيح عراق
وا كل للجفوف الغرب طفني
عراق ويا عراق أتحملك شتصير
وما بدلك بجنة ولو تبهذلني
رافضي
الشهيد الشاعر رحيم المالكي
باسمَك يا عَظيم ابدي ابصَريح القُول غِيرَك ما لي ناصِر وحِّديتَك رَب
وحُب آل الرَسول المنهَج ابدِنياي ابحُبهُم للجَليل وبيهم اتقرَّب
أنة صاحِب عَقِل ميَّزِت وين الخير ما ساوي الفَحَم وَي خِرزَة الكَهرَب
شيعي ورافِضي اتسميني بعض الناس نعم رافض ظُلمكُم ما أَبايع ضَب
بايَعت الوَلِي النَّصُبَة الرَحمن قاطِع راس عَمرو وشاطِرة المَرحَب
وهي بَيعة ابشَرَف كمِّلَت هذا الدين سَهلة اعلى الشِيعي وعالبَعَض تِصعَب
خَلهة الناس تِحجي اشما تِريد اتكُول أنة الراكُب الصَعبة وغيري ما يِِركَب
عندي الموت راحة وهذا درب حسين الَّذ امن الشَهَد بشفايِفي وأعذَب
تِكِص بِيَّة المناجِل صار هاي اسنين والوالَت الطاغِي امن العَذِب تشرَب
نصَّبتُوا اله وحلليتوا اعليه مِن دمَّة العَفِن قرآنكُم يُكتَب
وانة عِندي العِمامة ثَورة عالطاغُوت وغيري ابخَزنة الطاغُوت ظَل يِِنهَب
أنة الشِيعة العراق امن العُرُض للطُول أنة الكُل مو جُزُء واليِعتِرض جَذَّب
آنة البيت كله وراعي هذا البيت أَموت ابساحِتي وما أَترك الملعَب
شربت الموت طَوعاً ما شِكيت اِبيوم اَنَة ابسُوح الاعدام وموتهة امجَرَّب
اَنة امضحي بمراجع تسوة عمرو وزيد صعدت عالمنابر والفشك يلهب
قرابين اشكثُر قَدِّمت لاجل الدين وآخرهِن فَجيعَة كَربَلا الاصعَب
ودم الكاظمية الطاح بالمحراب بحر دمنة ايتدفق ما رضوا ينضب
رضوا ينسفك دمي وجددوا عاشور انة المطلوب دمي امريكا مو مطلب
ولا مسألة محتل واحنة نعرف زين واعين الدسايس وين تترتب
وعلى يا وتر تعزف شلَّة الإرهاب ونعرف ما تريدة وندرك المطلب
لكن لا وحك دم الشهيد الطاح بالمِحراب يوم الصعد كلة البارية امخضب
إذا فتوى اطلَعت بيكم تميد الكاع ونكطعهة الجفوف المَدَّت المَخلَب
نعرفكم منو ونندَل حياية البيت وندري ابيا مكان اتخُوتل العَكرب
كفاكم دم ترة ازعل واليصير ايصير واحذروا من حليم القوم اذا يغضب
يصفط روسكم فوك الجباه يدوس ويخلي ابدماكم يبحر المركب
سامحنة وكلبنة اوراق يابو اوراق وعمرنا وبنينا والبعض خرب
منزع ما بقة ابقوس الصبر يا ناس امتلى صدر الرجال وغيضهم ضهضب
ما ردنا الدمار واحنة ما بادين وحشاهة من التعصب كوم هالمذهب
لكن غيرنا ايريد الدمار ايصير وخف رجلة اعلة طبل الفاينة واطرب
مو ذنب أغلبية هذا واقع حال غصبن عالرضى والما رضى الأغلب
غصبن عالرضى والما رضى الأغلب
ياعراق
الشاعر سمير صبيح
ياعراق
يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظaك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما يندهونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك
يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظaك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما يندهونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك