ليله ليله .. صابرين الكعبي

حصريـــــــــاً
وجــديـــــــــــــــــــــــد

اهـــــداء الى جميع المستمعين من الشاعـرة المبدعة

صابريـــــــن الكعـبــي

قصيدة بعنوان

( ليلة ليلة)

للتحميل صوت بصيغةmp3 من هنا http://www.gulfup.com/X2cj24n7nbvk08 

Résuméabuiyad

اختلفن وكلهن وجعهن لونه واحد...

اختلفن وكلهن وجعهن لونه واحد...

طعنتك..
واجروحهم....
والجايات....
والله يستر من يشد الليل حيله..
ومن يكثرهن عليه النايبات...
جان واهس بيه اعاند حته روحي
ومن تمد جفهه اعله نجمك ماتلوحه
وانه اعاند هوه نجمه..
وانتي طولج ليل غصبا" عنه لوحي...
واخخ منج..جنتي صعبه..
شسهلاج؟ ورخصوج الهم يروحي؟؟
راح ارد امسح صورك
من وجه كل الشوارع...
واصيغ الحيطان ليل..
وحلمي ليل..
وانه العاندت الشماته اعليك حيل وبيه حيل..
لاتفززهن خطيه..
ارباة اديك..
اجروحي واتعلمن عليك..
نامن بشوغة صورك..
صحن حلمانات بيك...
طيف طيف
ايمرن بصفحة خيالي
ومن يدكن باب عيني..
يشهك الهور وينشف مي لهاته..
ويعرك بفي مستحاته
ومن ينشدوني رخص بعيونج اشتاك لزمانك..
جان غالي..
وبعده غالي...
وهيج يعصرني المغيب..
مااجذب كلبي اكولن هم نساك..
وشد نبض حيطانه لاسم الغير رايه
ومااكولن عمري ماطاحت سنينه
وماتبده بصبخه مايه..
حرب جانت وانتهت والفجر مات..
وكمت الم ذكراك جن لمة ضحايه
ابهيده امش بيه ارتجيتك...
حيلي بايد..
هدة الشمات كلفه وصعبه يسبكني الورايه...
ابداعت اقصور اهلك الحوبيتهه تسطر..
لان مامغسوله بدموع اليتامه..
بيوتنه الفقره بعد بطلت تشور...
جااا..شكول؟؟بداعتي؟؟
ابكد الغلات الجانت بروحك اليه..
اتشيل ملحك عن جروحي.....
وردني هيبه
وحته حلمك اخذه تذكار لدمعتي ولاتجيبه
انه اريد ايامي كلهن..
عمري منك طالبيته..
وردني هيبه..
مثل ماطحت ابمكاني وانه هيبه..
تردني هيبه..
حلفت عينك تصون اطيوف حبنا
وطارن كبالي شفتهن طيف ..طيف
شلون المهن؟؟؟
انه عمري انطاك عمره
ومابقت بايامي بس كلمة الحيف..

Résuméabuiyad

الليل سالفته طويله

الليل سالفته طويله

من تصير اجفوفه فركه

حصة الواعد ضحكته...

وحصة الينتظر..حركه..

وخيطت زيج الليالي انته اعله ايدك

من جفيت..

امنيلي واهس واشكه؟؟

وبس تعال..

انته بيك الدنيه تكبر..

انته بيك الدنيه تحله..

انته حته لخاطرك كضه الفرات سنينه يمشي..

خاطر تشابك اجروفه اجروف دجله..

انته بيك الدنيه تكبر

ايطيح من جفّه النده...

تورد اخدود الصحاري

وشتلة العاكول تحمر

تزغر اجفوف الليالي السود ويخضرالعيد

بلون عيديات بجفوف الجهال..

وبس تعال

والله ذله....

هوه بس شيطان حبك بيه عايش

كلهم ايريدون انعّله

اتصيرغيبه..

اليلعن الشيطان يستغفر حبيبه..

وانته بس وشلة حلم باقي بخيالي...

خاف افز.. وامنين اجيبه؟؟؟؟

يااا..فشلتي!

مستحه الصفصاف من فشلة خياله

من تمر ابصفه زفة برتقاله...

ومااكلك بس

تعاااااااال

بس تعال.

..............

صابرين الكعبي

Résuméabuiyad