حسين ومن يمر اسمك عله الساني
يبقى اسمك
حسين ومن يمر اسمك عله الساني
ملكه مفارك ادموعي اتلكاني
من احضن ضريحك
احس كلبي يطيح
واتوجه اعله جرحي
وصبري ينساني
واجي لمذبح وريدك
والكه دمك حار
ويشب ويه طولي شبة متاني
مو مثل الدموع
ادموعي من اتطيح
لا ابجي العمر
وارجع بشر ثاني
بعد نار المخيم
ماطفت يحسين
وسكنه تصيح بويه
الجور اذاني
وحك راسك يبويه
العالرمح مرفوع
انه بسبعين طعنه
الزمن صاباني
المايترك اثر
يندفن بالنسيان
وانته بكل كلب
مية اثر باني
اذا نور الشمس
وتيه العينين
كبتك ترتفع
وتصير نيشاني
كبتك ترتفع
وتصير نيشاني
للشاعر الشهيد
غني محسن البهادلي
تقبلوا تحياتي
