الشاعر نائل المظفر
صدكَ ياوطن باجر امان يصير
الشاعر نائل المظفر
بـاجـر كـلشي عندي وكلـشي ماعندي
بـاجر ماكــو عـبوة وماكـو مـحـتـليـن
ومـن جـف النواصـب يـنتـقم خـــدي
بــا جـر يـــاوطــن خـيـرك يـرد ردود
وتـرد الــدول مــن عــندك تــجــدي
باجر نـنـسـعـد بـس يمته باجر هذ؟؟؟
بـاجر يا وطـن مـن يــطـلـع المهدي
وافرض ماطلع تبقه إعله هـذا الحال؟؟
وايـدك فوك خـدك والجــفـن يـدمــع
بيتــك بس إسم مو أنت تـحـكـم بيه
وتـخّلـي الغابة ضــلمة وبابك إمـشّرّع
وأهـلــك ناكَـتك والنـاصبـي الخـطـار
وتـريــد تــصـيـر حاتم بينه تـتـبـرع
وجا لك كَلب ضبـيه إمسّرّد من الخوف
وعـيون الذئا ب إعــلـه الكَـلب تـلمـع
وبناتـك صّـم لـحم وبـلا غـطه تخليــه
وجـيــرانك نـمـل من عـيـنهم يطلع
ونـها رك بـي لِـثـّك دم وبنات صغـار
لـحـمـهن با لـشـوارع جـمـلة يـتـوزع
واذا فات العصر عينك تــصـب غروب
واذا فـات الــهمر مــيّـة مـتر تـرجع
وتـسـكت ما تـثـور إتـّاني عبوه تثور
وأخوك إبـّـاب بـيـتـك لحـمه يتكَطع
ويـفـتـشـون بـختــك وأنتّ كلك عين
وتــصيح إبـإذانـك وإنـتّ مـــا تـفـزع
بـعـد شـيـسـوي يطلع قابل إيدليك؟؟
مـقـر أمريكي هـذا وبـيـدك المدفع!!
لـو يـطـلع يكَلك هايّ عيني وشوف؟؟؟
لـو يـسـمع مكانك خاف ما تسمع؟؟؟
لإمامك ماثرت والـقـبـة ذيـج تـراب
وهـسـه تصيح لإبنه تريـده إلك يفزع
إذامو انامـهدي وإنتّ مـهدي تـصير
لـو يطــلــع المهدي المـهـدي ما يطلع
وبعد شيصير أكثر وإنتّ تفزع عود؟؟؟
إشتسّوي أمريكا بيك وإلها ما تخضع
زنوا با للـيل بـأرضك والصبح باكَوك
ما هـمــهـم نـهـار ولا شمـس تطلع
وتوكـلهم لـحمتك وانت ميت جوع
وتـلـّبسهـم حـريـر وثـوبـك إمركَع
ولا تـدمع عـيونـك جـن ولا حـلبوك
وعـيـون الـنـفـط بـعـيونهم تدمع
ولا سـووك سـاحـة ودوله للإرهاب؟؟
ولا بعض البعض من بعضك إتبضع
كل شبرين بأرضك دولة صارت بيك
وكـل عشـرين مـسـلم قلِدّوا مرجع
وإذا واحـد يـكَـلـك إحنا متوحـدين
خـيـطـب لـلـشمال وبـي علم يرفع
لاتـصـفن بـعد والصـفنه إلك مَتلوكَ
كَـبـل تـزأر جـنـت والـكـون يتـصدع
إزأر مـو كـفر تسـتـاسـئـد الـجرذان
وألأرنب عــليـك شـلـون يـتـضـبــع
عراقي من الحرب معقوله كَمت تخاف
وإنـتّ مـن الـقذايـف بـيـتك إمرصع
جنت طـيـنة سـواتـر والله نافخ بيك
وعــضامـك شــضايا وجـسمك إمدّرّع
إرجع مـثل ألأول حـتى حـر تـعـيش
لـو مـوت بـمكانـك كـون مـاتـرجـع
اريد وياك افتح باب العتاب
الشاعر نائل المظفر
أريد وياك افتح باب العتاب
وأكفر بالعشگ لو گتلي سدة
تنام أبلا مخدة ويخلص الليل
وانة كلساع شابگلي مخدة
صاير ما تحس كلش هلأيام
وحيل أتغيرت بيك المودة
تجر گلبي وتحبسة بطرف الرموش
لاعينك تشدة ولاتهدة
ولو خصرك سفينة وصدرك شراع
وتخدر كل هوة بصدرك تصدة
بس لاتنتفخ كلش على هواك
لانغرگ ولك يسمر تهدة
آنة اشگد اجيتك كفر الباب
من گد ما ألي تفتحة وتسدة
وانتة ولا أجيت بيوم يهواي
حتى بالعشگ گاظيهة خدة
هاي وياك صارت وحدة يهواي
وأمس بالليل هم مطلوب وحدة
كلشي الزين بيك وكلشي مو زين
حچيتة وبلهوة ظليت أهدة
أشوف الزين كلة الأذنك أيروح
والموزين من يمك تعدة
يسباح الشواطي أشبدلك شوك
ليش اتغيرت مو چنت وردة
وأشوف الناس گالت هذا يهواك
وعليك ايدور وجهة اشما تعدة
گلت لا چي حلو مو وجهة اليدور
خدة أيدور حتى أيبوس خدة
وجناتك شمس تحرگ بالگلوب
والما يحترگ يحترگ جدة
احترگ جدي بهواك وشيب الراس
نسيت اشلون كل ذيچ المودة
شتگل للناس ما يعرفني چذاب
ولا شعري لعب جولة على زندة!!!
وانة الچافي العمر من فتحة الزيج
والليمون فوگ اچفوفي ندة
اعددلك شكو بجسمك مسامات
وأسميهن بسمهن وحدة وحدة
مو آنة الخلقتك ونفخت بيك
بس الخالقك ظليت اعبدة
تذكر من چنت تتشابگ وياي
شعرك روج احسه وچتفي سدة
يشدني وأرد أشدة وما أشد شي
لأن خيط الشمس محد يشدة
لأن خيط الشمس محد يشدة
وأكفر بالعشگ لو گتلي سدة
تنام أبلا مخدة ويخلص الليل
وانة كلساع شابگلي مخدة
صاير ما تحس كلش هلأيام
وحيل أتغيرت بيك المودة
تجر گلبي وتحبسة بطرف الرموش
لاعينك تشدة ولاتهدة
ولو خصرك سفينة وصدرك شراع
وتخدر كل هوة بصدرك تصدة
بس لاتنتفخ كلش على هواك
لانغرگ ولك يسمر تهدة
آنة اشگد اجيتك كفر الباب
من گد ما ألي تفتحة وتسدة
وانتة ولا أجيت بيوم يهواي
حتى بالعشگ گاظيهة خدة
هاي وياك صارت وحدة يهواي
وأمس بالليل هم مطلوب وحدة
كلشي الزين بيك وكلشي مو زين
حچيتة وبلهوة ظليت أهدة
أشوف الزين كلة الأذنك أيروح
والموزين من يمك تعدة
يسباح الشواطي أشبدلك شوك
ليش اتغيرت مو چنت وردة
وأشوف الناس گالت هذا يهواك
وعليك ايدور وجهة اشما تعدة
گلت لا چي حلو مو وجهة اليدور
خدة أيدور حتى أيبوس خدة
وجناتك شمس تحرگ بالگلوب
والما يحترگ يحترگ جدة
احترگ جدي بهواك وشيب الراس
نسيت اشلون كل ذيچ المودة
شتگل للناس ما يعرفني چذاب
ولا شعري لعب جولة على زندة!!!
وانة الچافي العمر من فتحة الزيج
والليمون فوگ اچفوفي ندة
اعددلك شكو بجسمك مسامات
وأسميهن بسمهن وحدة وحدة
مو آنة الخلقتك ونفخت بيك
بس الخالقك ظليت اعبدة
تذكر من چنت تتشابگ وياي
شعرك روج احسه وچتفي سدة
يشدني وأرد أشدة وما أشد شي
لأن خيط الشمس محد يشدة
لأن خيط الشمس محد يشدة
أحلامي
الشاعر نائل المظفر
لاتحط بيدي الشمس واحلامي بيد
ولاتهيّج علْ فقير اجروحه
ولاتكلي ابعسرك ويسرك اعيش
وانت قصرك للسمه ايمد روحه
عوفني ابحالي تراني ابليّه ايد
وانت شباجك زحل.. ما الوحه
اشلون ماتدري الحلم جرح الفقير
ماتشوف احلامه كد اجروحه
روحي مذبوحه ذبح وتريد اطير
منيله حظي ايطير المذبوحه
لاتأمنلي حجي الما جاسه ظيم
جفي دك بوب السمه المفتوحه
وحظي دك اثبات بجناح الفقير
لايصعده ولاينزل اسفوحه
انت بعدك مانمت فوك الحصير
وغمسّت لكمت ملح بملوحه
لاتلامسني ابطرف صدرك اذوب
انه من دم ولحم .. مو لوحه
ولاتمرجحني ابرمش عينك ..اخاف
انه ماشيف رمش مرجوحه
ولاتكلي اتمرجح اشمالك تخاف
جنت اريدك للسمه اتوديني
بس اخافن ينكطع رمشك واطيح
وباجر اتكلي طحت من عيني
روح دورلك محب يرهم عليك
انه قاموس العشك طاويني
ما عشكتك واحنه بالطيف استحيت
اشلون احبك من تجي اتلافيني
خلني راضي ابفقري وانت ارضه ابغناك
وعوف عيسى بدينه وانه بديني
ولو خلاني الوكت بعت اللحاف
يعني هسه ابكيفي امد رجليني
لاكن ادري ابدربي عن دربك بعيد
ومن زغر هذا البعد بجاني
انت دفاك الثلج عن لا تموت
وانه ميت والثلج دفاني
وانت كاروك الذهب ماكفّه اديك
وانه كاروك الكصب كفاني
وحته لا احلم وامد جفي لسماك
واني ارضع كمطو ذرعاني
وعن محبتك والله ماشدني الحديث
هذا رمشك ياترف شدّاني
والله احبك.. والله احبك من زغر بس ماحجيت
ردت اشوفك تنسعد وي ثاي
ومن اجيت ابلهبتك تسأل عليْ
كلبي كله اتمرجح ابــ شرياني
تالي من غصبن عَلَيْ كتلك نسيت
روح دورلك محب ونساني
اتوسلت بلساني تحجيهه وتروح
ومن رحت عني كطعت الساني
اني كتلك لاتجي وجي ما اجيت
راحت ابـ بابك تدك بيباني
ولاتهيّج علْ فقير اجروحه
ولاتكلي ابعسرك ويسرك اعيش
وانت قصرك للسمه ايمد روحه
عوفني ابحالي تراني ابليّه ايد
وانت شباجك زحل.. ما الوحه
اشلون ماتدري الحلم جرح الفقير
ماتشوف احلامه كد اجروحه
روحي مذبوحه ذبح وتريد اطير
منيله حظي ايطير المذبوحه
لاتأمنلي حجي الما جاسه ظيم
جفي دك بوب السمه المفتوحه
وحظي دك اثبات بجناح الفقير
لايصعده ولاينزل اسفوحه
انت بعدك مانمت فوك الحصير
وغمسّت لكمت ملح بملوحه
لاتلامسني ابطرف صدرك اذوب
انه من دم ولحم .. مو لوحه
ولاتمرجحني ابرمش عينك ..اخاف
انه ماشيف رمش مرجوحه
ولاتكلي اتمرجح اشمالك تخاف
جنت اريدك للسمه اتوديني
بس اخافن ينكطع رمشك واطيح
وباجر اتكلي طحت من عيني
روح دورلك محب يرهم عليك
انه قاموس العشك طاويني
ما عشكتك واحنه بالطيف استحيت
اشلون احبك من تجي اتلافيني
خلني راضي ابفقري وانت ارضه ابغناك
وعوف عيسى بدينه وانه بديني
ولو خلاني الوكت بعت اللحاف
يعني هسه ابكيفي امد رجليني
لاكن ادري ابدربي عن دربك بعيد
ومن زغر هذا البعد بجاني
انت دفاك الثلج عن لا تموت
وانه ميت والثلج دفاني
وانت كاروك الذهب ماكفّه اديك
وانه كاروك الكصب كفاني
وحته لا احلم وامد جفي لسماك
واني ارضع كمطو ذرعاني
وعن محبتك والله ماشدني الحديث
هذا رمشك ياترف شدّاني
والله احبك.. والله احبك من زغر بس ماحجيت
ردت اشوفك تنسعد وي ثاي
ومن اجيت ابلهبتك تسأل عليْ
كلبي كله اتمرجح ابــ شرياني
تالي من غصبن عَلَيْ كتلك نسيت
روح دورلك محب ونساني
اتوسلت بلساني تحجيهه وتروح
ومن رحت عني كطعت الساني
اني كتلك لاتجي وجي ما اجيت
راحت ابـ بابك تدك بيباني
اسألوني قبل ان يابو الحسن
الشاعر نائل المظفر
اسالوني قبل ان يابو الحسن
عندي يا مولاي بعض ألأسئله
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
ينقسم نصين يطلع حاصله!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
لأن أول سيف ينصف قاتله
وراسك القرآن بس محد قراه
وإنفتح بالسيف مو بالبسمله
يا فقير ومنزلك مثلك فقير
وما كو واحد أعلى منك منزله
الثقل بس ضربتك كلهن سراب
والذهب بس مذهبك كلهن طله
الله ما حطلك ملك للسيئات
ملكينك حسنات إمسجله
على جتافك ينعس ويغفه الملاك
وإنتّ ساجد للصبح بالنافله
ما تنام مخدتك تسأل عليك
وتصبح من الشوق سجادة صله
المشكلة بلا حل تجيهم وإنتّ لا
الحل يجيك وما كو عندك مشكله
إنتّ ما ناطق حرف عن الهوى
يعني لازم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ناقشوني عالبكي وماي السبيل
وأعتذر مولاي كالوا مهزله
راح أضم وجهي وعليك أبكي بإناء
حتى أراويهم دمعتي إمسبله
تعني قلة مرجلة دموع الرجال
بس عليكم تعني قمة مرجله
إنتّ من النور أصلك والله نور
يعني إنتّ والله تربطكم صله
ويا أمير الما ينصبونك أمير
صدقوا بهذا ألأمر مو مخطئين
لأن كَالولك عليهم ماتصير
وإنتّ يامولاي أمير((المؤمنين))
نّصّبوا غيرك ولكن ماحجيت
لأن ما محتاجهه ونقسم يمين
لو كنت محتاجهه ترد الزمان
وبحياته ينّصّبك طه ألأمين
وإنتّ رجّعت الشمس إم الحساب
يعني تكَدر يا علي إترجع السنين
مو أمير شلون جا ياهو ألأمير
ما إلك مولاي بالوادم قرين
وكلمن يحطونه غيرك مايصير
إنتّ أصلح لو يحطون الحُسين
وصّه بالثقلين من بعده الرسول
يعني قرآنه وعترته الطاهرين
العترة نسلك ياعلي وإنتّ الكتاب
يعني بس وحدك تعادل ثقلين
شنهي حجتهم علي وما نصبوك؟؟
جنت جاهل؟؟ لا يحيدر كاذبين
إنتّ مو جاهل جنت عمرك صغير
وجانوا إهمه كبار لكن جاهلين
وإنتّ باب الكل مدن علم الرسول
وهمه صاروا من خلالك عالمين
وطالما باب العلم إنتّ وقصير
يعني كانوا من يجوك مدنَكَين
يا إمام إنتّ أوّلي إبّدء الكتاب
الما قروا إنك ولي شربوا حميم
إنتّ باء البسملة ولو ما قروك
تصير(سم الله الرحمن الرحيم)
الدين ما يقبل غلط والشك حرام
الدين حجي الله رب العالمين
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين
بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذو الفقار
عندي يا مولاي بعض ألأسئله
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
ينقسم نصين يطلع حاصله!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
لأن أول سيف ينصف قاتله
وراسك القرآن بس محد قراه
وإنفتح بالسيف مو بالبسمله
يا فقير ومنزلك مثلك فقير
وما كو واحد أعلى منك منزله
الثقل بس ضربتك كلهن سراب
والذهب بس مذهبك كلهن طله
الله ما حطلك ملك للسيئات
ملكينك حسنات إمسجله
على جتافك ينعس ويغفه الملاك
وإنتّ ساجد للصبح بالنافله
ما تنام مخدتك تسأل عليك
وتصبح من الشوق سجادة صله
المشكلة بلا حل تجيهم وإنتّ لا
الحل يجيك وما كو عندك مشكله
إنتّ ما ناطق حرف عن الهوى
يعني لازم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ناقشوني عالبكي وماي السبيل
وأعتذر مولاي كالوا مهزله
راح أضم وجهي وعليك أبكي بإناء
حتى أراويهم دمعتي إمسبله
تعني قلة مرجلة دموع الرجال
بس عليكم تعني قمة مرجله
إنتّ من النور أصلك والله نور
يعني إنتّ والله تربطكم صله
ويا أمير الما ينصبونك أمير
صدقوا بهذا ألأمر مو مخطئين
لأن كَالولك عليهم ماتصير
وإنتّ يامولاي أمير((المؤمنين))
نّصّبوا غيرك ولكن ماحجيت
لأن ما محتاجهه ونقسم يمين
لو كنت محتاجهه ترد الزمان
وبحياته ينّصّبك طه ألأمين
وإنتّ رجّعت الشمس إم الحساب
يعني تكَدر يا علي إترجع السنين
مو أمير شلون جا ياهو ألأمير
ما إلك مولاي بالوادم قرين
وكلمن يحطونه غيرك مايصير
إنتّ أصلح لو يحطون الحُسين
وصّه بالثقلين من بعده الرسول
يعني قرآنه وعترته الطاهرين
العترة نسلك ياعلي وإنتّ الكتاب
يعني بس وحدك تعادل ثقلين
شنهي حجتهم علي وما نصبوك؟؟
جنت جاهل؟؟ لا يحيدر كاذبين
إنتّ مو جاهل جنت عمرك صغير
وجانوا إهمه كبار لكن جاهلين
وإنتّ باب الكل مدن علم الرسول
وهمه صاروا من خلالك عالمين
وطالما باب العلم إنتّ وقصير
يعني كانوا من يجوك مدنَكَين
يا إمام إنتّ أوّلي إبّدء الكتاب
الما قروا إنك ولي شربوا حميم
إنتّ باء البسملة ولو ما قروك
تصير(سم الله الرحمن الرحيم)
الدين ما يقبل غلط والشك حرام
الدين حجي الله رب العالمين
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين
بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذو الفقار