شعر تجليبه على الكهرباء

احبتي الكرام
السلام عليكم
هذه جزء يسير من معاناتي مع الكهرباء
وجدولها الغير محترم
======
اجلبنك يليلي اثنعش تجليبه
تطفه الكهرباوالجدول ادريبه

اجلبنك يليلي والمهفه ابأيد
لاحصِل هوه ولاترضه روحي اتهيد
وماعندي مولد فايخ امن الويد
ظلمه انه ابات اوأصبح ابريبه

اجلبنك يليلي وكهربا مابيك
بس ارعه النجوم اشمايمرطاريك
حاجيت العمود وكتله يابه اشبيك
انت ابابي كشخه وبيك الي هيبه

جاوبني العمود وكال مو مليت
راسي الكهربا واعروكي وسط البيت
من كثر اللغف عن شيمتي اتخليت
ماظل خجل عندي ولابكت طيبه

اجلبنك يليلي وجدولك ساعات
لو صار القطع وي روحي ونه اتبات
جم حيد الصعد ضغطه ابسببها اومات
وايظل السبب يوسف كلاه ذيبه

اجلبنك يليلي والعمود اوياي
محتار اشيكلي اومستحي من هاي
تم واكف ابطوله اوينشد امن الجاي
طكت علته وزادت مصاويبه

اجلنك يليلي اوياهو المسؤول
عن هذا الوضع لوكدها خل ايكول
لتكلي خراب امن المضه المشعول
عود انت اجيت اتعيد ترتيبه
اجلبنك يليلي اثنعش تجليبه

======

Résuméabuiyad

راس الجرح....

هسه رايح مـــــن صدك ابجيلك

وبدمعتي الخرســــــــــــــــه اريد احجيلك

دمعه شكت ثوبها وطلعت وراك

اباب عينـــــــــــــــــــــي وفرعت تدعيلك 

........

كون تندلني بعـــــــــــــــد شمتاني

بس تعـــــــــــــــــــــــال وداعتك تلكاني

بيدي شايلك جــــــرح ينشد عليك

وخــــــــــــــــــــــاف ماتندل جبتلك ثاني

تريدتنساني صدك؟؟لامستحيل

وحته لــــــــــــــــــــوتنسه جذب تنساني

بعيني انت ولوطحت من عيني يوم

مستحيل تطيح مــــــــــــــــــــــن الساني

اسكن بحي السوالف مــــن زمان

وكسرة الخاطــــــــــــــــر صفت نيشاني

صافن بوجه الهوه من ايمر غريب

وواكــف براس الجـــــــــــــرح ومتاني

بيتنه صاير(حزن)ثالث تعــــــــــال

خـــاف مـــــــــــــــن بالك شلت عنواني

جاري ظل يبجي بمكاني من مشيت

وضاعت ارسومي اعله كــــــل جيراني

ولاتكلي من الجروح انه استحيت

البيت بيتك وانت اعـــــــــــــــز صحباني

دموعي شوكلهن خواتك لو اجيت

وموش غربه جروحــــــي ذوله اخواني

Résuméabuiyad

ماانســـــــــــاك

ماانســـــــــــاك كــتلك 

ولله ما ناســــــيك

شلــون انســة 

وعهـــد من كلـــبي اطيتك

عدد لعنات ألله

التنــــزل اعل ابلــــــيس

هـــيج لعنت ساعة البيــهة جافيتـــــــك

بالك 

عن قرب تتنفـــــــــس الصعـــــــــــداء

آنة احســــد هوة الله

اليدخل ابريتــــــــــــــــك

يلسمعتك بيضة

بلون كلبك هاذ

وبراءة حسن وجهك لون من نيتك

سبحان الأله

شخلق من اخلاق

يمكن قبل جسمك خلق تربيتك !!

من اوسع ابوابة 

دخلت كلبي اركــــــــــــــــــــــاض

وآنة ابّاب كلبك طحت من جيتك !!

لو راس الفرع 

من الله عندة لسان

جا كلّالك اشكد يمّـــة تانيتك !

وادري ابلايا جدوى 

ايمر وقــــــــــوفي اهناك

بس اشتم هوة

الجايب عطر بيتك

ثكيـــــــــلة ايام فكدك

وبثكل ممشـــــــــــــــاك !

وقويّة احلامي جانت

مثل شخصيـــــــــتك !

أنشودة مطـــــــــــــــــــر

وابداخل السياب

هيج ابداخلي

وبداخلي القيتــــــــــــــــك

للشاعر خالد السعد

Résuméabuiyad

المخبل

من يوگع بنادم ينهظم لو شاف

بي عمه ايتشمت واخوته وخاله

الزلمه امنين يصرف من يمر بالسوگ

أذا ماكو شغل والاده بطاله

من طبع اليحب الفتن بين الناس

... يفرح من يسوي ابينهم گاله

ألماشي عدل كلماته ظربة سيف

والباطل أبد ما يوگف اگباله

جبان الي يبوگ ويلبس احلا ثياب

شجاع الما يبوگ ويلبس الباله

حافظ عالكرامة وأغفه ما شبعان

ولا شبعان تغفه وماكل افظاله

شرف ما عدهه ذيچ الزلت اعله فلوس

شريفه الما تزل وتاكل انخاله

المظيف امبين الرايد يجيه الظيف

على بابه ابد ما تلگي اقفاله

العشيرة الي تريد الهيبه بين الناس

من يخطء ابنهه تكون فصاله

مو شيخ اليذب اعگاله حتى يعيش

شيخ الي يموت ورافع اعگاله

أذا للدين ترجع ولرضا المعبود

الگطع وصلك أبد لا تگطع اوصاله

ألطاهر حليبه وعنده غيره وطيب

ما ينكر استاذه وينكر افظاله

ذب السيف ابد ليشيله چفك يوم

أذا شفته اعله چفك ما أجه فصاله

بركتنه انتهت بارض الوطن يا ناس

من الماي گمنه نبيعه ببطاله

الوطن عالي لچن بعد اعله والله يصير

لو مابي شباب هواي بطاله

ألمخبل صدگ معيوب بين الناس

لچن بحسين هيبه اليعلن اخباله

خادم الحسين (ع) أن شاء الله

الشاعر

احسان القريشي

Résuméabuiyad

نفس مذبوح

بوسط زردوم عيني اتغص صور ذكراك

وابلع ريج شوفي وتختنك عيني

على قبلة وداعك جم نفس مذبوح

ارفست رية شبابي ومات عشريني

يل طبعك رمل واسنيني طاسة ماي

وعلى رملة وداعك كلي تجفيني

ظهر عيني انكسر كد ما الك تانيت

وتحودب كل رمش واجفاك يحنيني

عليمن تلتفت عمري السحكته ابعيد

بكثر خطوات جدمك ما رد اسنيني

جذب مطروق جرحي وخايف امن أحجيه

يصفكوله ابحراره وخاف يجويني

Résuméabuiyad

گبل لتروح

گبل لتروح

ــــــــــــــــــــــــــــــ​ــ

گبل لتروح .. ما يحتاج اوصيّك

يوم التحب غيري!! حذر خليك

...او گلبك لا تسلمه

للماعنده رحمه

على درب الندم بيده يدلّيك

* * *

گبل لتروح .. وادري ماكو رجعه

على چفوفك اريد ابچيلي دمعه

واكت اهموم گلبي

بحضنك وادعي ربي

على دربي اريده بيوم يهديك

* * *

گبل لتروح ... طوّل خلگك اوياي

ومن اتدير وجهك .. ديره بهداي

عليه اصبر ثواني

الحزن كلّه اجاني

من هسه وبديت ارجف واهم بيك

گبل لتروح ما يحتاج اوصّيك

Résuméabuiyad

معلومات عن شعر التجليبة وبعض ما نظم فيه

نحاول بإيجاز عرض فن آخر من روائع فنون الأدب الشعبي ألا وهو شعر و غناء التجليبة .وقد ذكر الأستاذ خليل رشيد في كتابه الأدب الشعبي الذي طبع في مطبعة الإدارة المحلية بمدينة العمارة عام 1958 عن هذا الفن 



التجليبة " في صفحة 138 قائلا : 


" و بحره : الهزج . و قاعدته : أن ينظم المستهل أولا و هو شطران من روي واحد ( مأخوذة من كتاب الطرب عند العرب ) مثل : 



لجلبنك يليلي بألف تجليبه اتنام أهل الهوى و تگول مدري به 



ثم تنظم أربعة أشطر أخرى . ثلاثة منها بقافية واحدة و الشطر الرابع يتختم بقافية المستهل : 


لجلبنك يليلي و الگلب منطر و ون ما ونت الخنسة لصخر و أكثر

لون هم الدهاني إبسدة إسكندر عفت و اضحى الربع ياجوج يسريبه " 



أما الباحث الكبير الأديب المرحوم الأستاذ علي الخاقاني صاحب مكتبة البيان في شارع المتنبي الذي ألف سلسلة من حلقات فنون الأدب الشعبي فإنه ذكر في الحلقة الأولى الصادرة عام 1962 في الصفحة 119 - 120عن التجليبة : أن 



" هذا الغناء محبب عند عرب شمالي العراق و قد انتشر في أرياف الجنوب ، و هو بحر من بحور الشعر ( الهزج ) و قاعدته أن ينظم المستهل أولا و هو شطران من وزن واحد ، ثم ينظم أربعة أشطر أخرى ثلاثة منها من قافية واحدة ، و الشطر الرابع يختم بقافية المستهل . و سبب تسميته بـ ( التجليبه ) نسبة إلى القصيدة المشهورة و أول بيت قيل فيها مطلع واحد و بيت واحد لم يعرف قائلهما و هو : 



لجلبنك يليلي بألف تجليبه تنام أهل الهوه و تگول مدري به

تنام اهل الهوه و ليلي فلا نامه أعاين للنجم و العب لعب دامه

ويلاه اعله گلبي الزادن آلامه بلش بيه الهوه واسجن مخاليبه 



وقد نظم على هذه القافية فريق من الشعراء المشهورين الحاج زاير فقال : 



لجلبنك يليلي و الگلب منطر و ون ما ونت الخنسه الصخر و كثر

لون من بعض همي إبسدة إسكندر عفت و اضحى الربع ياجوج يسريبه 



و نظم عليه ملا منفى العبد العباس البيت الآتي : 



لجلبنك يليلي و نتجل بفكار و ون او حدر ضلعي نار تاكل نار

أغض جفني غصب چن الهدب منشار باشط بالچبد تگطع نشاشيبه 



وقال آخر :

لجلبنك يليلي او لايج بهل روح من ونّي بچن كلهن بنات الدوح

يلوله المزعجات امن الليالي اتلوح ما چان الگطه عاف الكره او طيبه 



وقال آخر :
لجلبنك يليلي ولو ياي اوياي على الوادي بچيت او حرّميت الماي

آنه من احچي يربعي شاهدي وياي اليچذبنی يجس گلبي وصاويبه 



وقال أخر :

لجلبنك يليلي واصبح آنه انداس وذل خشمي عگب ما چنت عالی الراس

کل يوم الدهر ويّاي يلعب ساس حربه اوياي حرب امطير واعتيبه 



وقال آخر : لجلبنك يليلي و النجوم اشهود أحسبهن و خلصهن و رد اردود

عيّه الليل يرفع للفجر عامود ومن عهد الشفک ما رد بعد ذيبه 



أما مجزوء هذا البحر فهو كما يلي في القصيدة الآتية ، و هي التي قالها الشاعر المبدع الشيخ فليح الحلي بهذا العنوان : 


مجنون و ليلى

للشيخ فليّح الحلي 



خل ليله ابهواها لا تعنفها حليفة شوگ و التعنيف يچلفها 
** *

يچلفها الردف لو گامت امنل گاع تجعدها الجعود اتزود عن الباع

ليله امضمره ترمي ابعيون وساع تچتل علبعد كل من يوالفها

* * *
اليوالفها تهنّه او فاز بيها دوم واليجفي يصاحب ما يفيده اللوم

حرت اشلون اوصفها و عدّ ارسوم لون قيس ايحضر لتظن يوصفها

* * *

يوصف اعطاف لو يوصف اعطاف وجيد لو يوصف صدغها اتصيد بيه اصيد

لون فاز ابوصلها ما سكن بالبيد لا وحياة مكه و منى و طايفها

* * *
يتلهف و دمعه سفح علخدين كرا الوجنات دمعه او ظل رهين البين

گالوا جوز و سله گال اهی من العين شنسه اجعود فوگ انهود تخلفها
* * *
تخلف بالجعود امن الصبح طيات آو من سم الأفاعي السود مسگيات

إتگول سهام يرمن هنّه بالساعات بالك بالغدر يللي تسالفها

* * *
السالفها يخاف امن الحرس توليه أو من سهم اللحظ سم چاتل اتغذيه

كل أهل الطنب و المدن ما تحميه وليفة قيس غيره من يوالفها
* * *
وليفة قيس ظلت تنشد العركبان شي شفتوا و ليف امتيم او ولهان

گالوا ذاك مجنون العگل تلفان ابشوگ العامريّه الروح تالفها

* * *
نادت ويل گلبی اولا يفيد الويل أكون أسره بسريّه أولا أريح بليل

سارت و الدمع يشبه لعند السيل لون قيس ابسفح رامه يصادفها

* * *
صادفها و نده ليله ابضعيف الصوت شنهو العوگچ عنی او گربلی الموت

گالت کل بنی عامر تروح الفوت عگبک و الخدن لجلك يحالفها

* * *

گاللها يا ليله واصليني بليل انفطر و انطر دليلي او ما بگالی حيل

غوادي الدمع غادي او سال مثل السيل لعد سدة اسكندر وصل جارفها

* * *

گالتله يعگلی آو يا شريچ الروح آصلك لا تون او تنتحب و تنوح

فرح واخدودها مثل الثريّه اتلوح هزها الشوگ و اهت.ت عواطفها

* * *

گاللها يا ليله اتگربی يمي اوياچ اعتاب إلي و لصدري انظمّي

تدرين ابعظم وجدي لون همي على جبال الرواسي چان ينسفها

* * *

گالتله العواذل بينك او بيني اتصير أو ما تخلى عينك ابعيني

ناداها يليله لا تلوميني إمعذّب و التجافى الروح تالفها

* * *

صاحت صوت من عنه الجبال تمور إمعذّب يا وليفي او خاطرك مكسور

لو شفت العريضي حاطلك ناطور أفجلك گذلتي والبد بطارفها

* * *

ناداها يليله الليل لو دلهم أعدّ النجم واسهجني السهر و الهم

إبيضت بالبچه عيني او غديت أجهم مثل يعگوب حين الغاب يوسفها

* * *

نادت حزنك اعليّه حزن يعگوب صابر علد البلوه ما صبر أيوب

زلخه آنى ابحزنها او لام جسمی الثوب چبدتي اتگطعت ماگطعت چفها

* * *
جاوبها انسلب عگلي و دليلي انعاب يا زهرة حياتي انصاب گلبي او ذاب

اشما أحيه أو أموت أو صار جسمي اتراب النفس تتبع هواچ أو لا أخالفها

* * *
تناديه او ينابيع الدمع صبّن الخنسه اتعلمت بهواك مني الون

من ونّي أوتاد الأرض يهتزن أو هواك اعله المنيّه الروح تالفها

* * *

گاللها اليأثر وسط گلبي اجروح ادموعي سيّرت بيها سفينة نوح

أون أو ناوحت بالون بنات الدوح آه من العريضيه او سوالفها

* * *

اتگله انچان گلبك لوّعوه او فار العواذل لذّعوا گلبی آو چووه ابنار

ما لومك دمعتك لو تهل اغمار آو روحك من تجوش الشوگ يدفنها

* * *

گاللها ابوصالچ جرح گلبي طاب يبدر الطل علينه من بعد ما غاب

جاذبها و لثمها او صار عند احساب حسّت و التوت و اخجلت من عفها

* * *

گالتله أموتن وانذبح واحيه وأموت او لانصير ابمهجر او خفيه

تصبح مثل أبو زيد او مثل عليه لو نيت البصدرك عني احذفها

* * *

فتح باعه او غرفها او گرب لى عدها رشفها من ثغرها و شم ورد خدها

گاللها تبت و الرکبته مدها او سالت دمعته او بالردن كفكفها

* * *

کفکفها ابردن ثوبه او بگه محتاس قسم بالمصطفى المختار و العباس

كل خوفه عليها تحس بيها الناس گام اعتذر منها او عاد حلّـفها

Résuméabuiyad

الدار للبيع

على الحايط كتبنا الدار للبيع

وبروحي نعلن مزادك وصاح

وانة على مودك بعت حتى الهدوم
... 

ومشت بية السفينة ابغير ملاح

قفلت عمري وعفتني ابوعد جذاب

وكلت باجر اجيب اوياي مفتاح

مريض امحبتك ومتاني اتعود

وبفرا المنية صرت سباح

سالوفة عشك وبين الشماتة اصير

واودها اتهد علية هدت ارماح

فدوة للعزيز اتروح البيوت

ولاأسمع يكولون حبيبك باعك وراح

Résuméabuiyad

طعم الفراگ

شفت طعم الفراك شلون مكروه
وشفت لمتنه جانت حيل حلوه
حسيت بألم وبداخلي جروح
ومصيبه فركتك صارتلي بلوه
صرت بعدك حزين وذابل الروح
لان وحدك جنت للروح سلوه
جنه اثنين نمشي ونعبر بحور
اشو بعدك صرت ما امشي خطوه ؟>

Résuméabuiyad

قفشات رووووعه

مو عجيبة الدمع من ينزل من العين

بس اكبر مصيبة الناس من تنزل

>>>>>>>>>>>>>>>>>>>>>>>>>

كسر كلبي طفل نايم عالكراتيــن

جا من تشوفه امه شينكسر بيها

>>>>>>>>>>>>>>>>>>>>>>>>>>>>>>

تعرف ليش بغيابك يكثرالجكليت

الشماته بكل فرع سووولي زفه

>>>>>>>>>>>>>>>>>>>>>>>>>>>>>>

مثل دمعة طاحت بفراك الأحباب

هيج أبد لا تصــــــــــــدك أرجعلك 

>>>>>>>>>>>>>>>>>>>>>>>>>>>>>>

ميل الساعة روحي وانته الأرقام

شوف شكد امرلك وانته ناسي

>>>>>>>>>>>>>>>>>>>>>>>>>>>

Résuméabuiyad

حاجيني بصراحه

حاجيني بصراحةلاتلف وادوور 

صدك آني حبيبك لو حجي ألسان_

لأن حبيتك آني أتعلقت بيك 

وسبب حبي ألك نساني ألأحزان

_أشوفك باالحلم يوميةأفكر بيك

من كد ماأفكر بيك حلمان

_أشمنك عطر مافاركاني أبيوم 

موبس وردةأنته أشكال والوان_

الهذا ألسبب جاوبني أنته وكول

صدك أنته تحبني لو آني أبمحبتك صرت بطران_

جاوبني بصراحة متعلقة روحي وياك 

لكن لاتخلي أكليبي نص ميدان

كول آني أحبك حتى آني أرتاح 

تكلي ماأحبك أبكلبي أحط نيشان_

وحتى آني أبطل ماأحب فد نوب 

ولا أمشي وإدور وأبقى أدك بيبان

_ولا أصبح أمير ألعشك فد يوم 

وماكول أبغرامك صرت سلطان_

وماريدك تكلي ماأريدك روح 

وأبد ماريد أدخل عالم ألنسيان_

لأن حبي ألك صدكني مأموصوف 

وأتحدى أبمحبتك آني أي أنسان_

أذا مثلي يحبك هذا مامعقول 

لأن أسمك نقشته آني باالشريان

من كد ما احبك خايف ايحسدوك

وماانطق اباسمك بس اكول الان

لان لو كلت بسمك ثق تصيبك عين

وتدري انتة الحسد مذكور باالقران

الك روحي وحياتي والك كلي

وفي حبك ابد ما كلت كلا

اشكد انتة تحبني ارجوك كلي

_وإترجاك بس لتضم علية

للشاعر علي البدري

Résuméabuiyad

غدر المحبين

(( غدر المحــــــــبين ))اجيتك من حنان الكلب ملهـــوف 
تقابلني بصلافه وبابك اتســـــده
اجرحت بيه المشـــاعر ماتت الروح
وتغـــــازل دمع عيني ويه المخده
جرحــك صح وجعني بس درس فاد
كمت اكتب قصـــايد وحده وحده
لأن احساس شـــــاعر بلبل يصير
ما غـــــرد حزن لو ما بقه لوحده
حسافه سنين عمري الضـــاعت وياك
وحسافــــه اندم عله الماضي التعده
حبــــك ورقه طاحت من الاشجار 
وخريف المر عليــــــهن ماله رده
ذبل عطر الـــــورد مو بس الورود
وجنت انته العــــطر ونته احله ورده
حســــافه يذوب حبك مثل الشموع
ودمعـــــات الشمع تجري اعله خده
جمعتك ورقه ورقه وصـــــار الكتاب
وجمــع بيــه الغــــرام ويه الموده
وهسه بكل بســاطه تجـــافـي وياي
وحــس سجين غــدره بكــلبي حده
وسهـم مو بس سهـم شو طلع مسمـوم
ونيشــانك تصـوبه بكــــلبي اصده
وذا ترســم سهــم ويلـــوح دللال
روح اسمــع جـــوابه وشنــهو رده
وذا يســـكت خجل لا تحــسبه يخاف
لأن صـــافن على الـــــدم التبده

Résuméabuiyad

ومضه روعه

اذا ينشال نعشي لاتجي اوياه

اخاف الناس من عندك يسألون

شنهي اسباب موتي اوأنته تحتار

تكلهم مات من خزرات العيون

Résuméabuiyad

قفشات رائعه جداً

انا الرايد حنانك تعرف اشلون

مثل شجره وتلم كل العصافير

......................................

على موودك الله نطااني عيؤؤن 

وكل مأأ ااشووفك احمدالله

.......................................

.راح انساك لكن صورتك بالعيــن 

اذا رايدهه ..خادم تشلع عيوني

........گالوا بس تعوفه بسرعة ينساك

ويشگ حتة الصور والذكرة يحركها

گلت سهلة الصور والذكريات تهون

بس روحي ويه روحه شلون يتركها

...............................................

صــرت ارفعــلك ايدي من اشــوفك جــاي

لتصـــدك معـــزة اعتـــبرك اجنــــــــــازة

................................................

وداعـــــا" يا حزن خطيت عالباب

هــــز ايده الفــرح گـام ومسحها

.....................................

بغيابك كسرت هواي رجلين

لان ياهو اليمر بدموعي يزلك

...................................

جبتلك جرحي گتلك هاك شافي

صرت حشاش گتــلي أبرشلونه

............................................

Résuméabuiyad

اذا رايد تروح أنتضر لحضه

اذا رايد تروح أنتضر لحضه

قبل لتروح انته ويبدي الوداع...

ليش ايام هجرك صارن اسنين

وليش ايام حبك مرن ابساع...

تدري من رحت بجيت الغيوم

وحتى الدمع ضل يطلع من الكاع...

ابقى ارجوك يمي وانه ممنون

وبس بلحضه منك هسه طماع...

نار العشك تحرك كلشي بالكون

وبعدني ابنار هجرك اني للساع...

اليحبك من صدك مايتركك لا

واذا يسمع خبر يركضلك ابساع...

شماتي أحرجوني عنك ايسالون

ويحتار الجواب اشلون يطلع...

وتدري باليكرهك يفرح اشلون

اذا شافك ابعينه ابيوم توكع...

بس هالمره صارت لا بعد متصير

واتوسل حبيبي ارجوك ارجع...

اذا دمعاتي ماشفعن للعذار

كسران الضهر حاجيني يشفع...

بعدك لاضهر لاعمر ضل وياي

وانته من رحت خلص المدمع...

ها رايح وابد ميكسرك الشوك

ها موعد افراكك طكله مدفع...

روح امودع الله وبسلامه اتكون

بس عندي طلب ياريت تسمع...

اذا صابك زمانك مره وانته ابعيد

تلكاني موجود ومنتضر ترجع...

Résuméabuiyad

ممكن من رخصتك عندي موضوع

ممكن من رخصتك عندي موضوع
ولو مشغول احسك لكن اسمعني
ميولك بالعلاقه وياي اي نـــــــوع
لان حجيك صراحه هواي دوخني

...ساعه تكلي احبك حيل احبك موت
واشوف الموت يضحك من تفاركني
وعلى هذا الاساس اني بنيت افكار
وكلت محبوبي صار وكلبي طمني

وساع تكلي خويه الخوه بس وياك
ولا تلفض حبيبي ارجوك تجرحني
نعم حبيتك انه وصرت شاعر بيك
وانت بكل قصيدة غزل تحضرني

يا فكرة حياتي البيهه باني امال
عشت احلام يقظه بحبك الهزني
ياريتك تكلي احجايه حته ارتاح
واخصمهه القضيه وكلي فاركني

لتسويهه قانون النفط والغــــاز
مثله امعلك انه ومحد يفضني
ماعايز وهم خلصت عمري اوهام
اسمع بالحقيقه وما تصاحبني
و لاحسيت بيه شعجب ياذواق
يالتفرزن كلام المخفي والمبني

تحياتي

Résuméabuiyad

ليله ليله .. صابرين الكعبي

حصريـــــــــاً
وجــديـــــــــــــــــــــــد

اهـــــداء الى جميع المستمعين من الشاعـرة المبدعة

صابريـــــــن الكعـبــي

قصيدة بعنوان

( ليلة ليلة)

للتحميل صوت بصيغةmp3 من هنا http://www.gulfup.com/X2cj24n7nbvk08 

Résuméabuiyad

حب علي بدمي

ربنه اول ماخلق دنبه الحروف--النقطه اول ماحلق ثم يلي

علي النقطه اللتي في البسمله--يعني اول ماخلق ربنه علي

وهذا مايعني انخلق قبل الرسول--الرسول القلم بي كتبو علي

بماي تتوضه الخلق قبل الصلاه--ومن يصلي الماي يتوضه بعلي

ميزان حكمه علي خير الورى لافته

طلك الدنيا وحشا بدولابها لافته

موحكه لمن صاح جبريل ونده لافته

الا علي ولاسيف الا فقر

مايفنه حبه كنز يغنينه من كل فقر

سألوا دليلي شكثر حبك الحيدر فقر

حب حيدر بكل كتر بيه انطبع لافته

Résuméabuiyad

من نحجي اعتيادي تحومر الوجنات

من نحجي اعتيادي تحومر الوجنات 

زين شلون كلي تصير من تخجل 

ولك عرج السواحل كون بيدي يصير 

عود انته بوكتهه بكيفك ادلل

Résuméabuiyad

هــم جربــت روحــك تحتــرك بالنـــار ؟؟؟

هــم جربــت روحــك تحتــرك بالنـــار ؟؟؟ 
وبكلبـــك كـــلام وما تكـــدر تكـــولــه ؟؟؟
بوسط روحي جمر مايطفه صار سنين
وعيوني اعلى باب السهر مشتوله
فـــك بـــاب الكــلب ياطــيب وشـوف
تلكه بكلبي صورة وذكريات ونار مشعوله
ورسايــل مــن دمع وعتاب ع الماشين
وتلكه بكلبي حب واحلام بسيوف الهجر مكتوله

Résuméabuiyad