الشاعر سمير صبيح
احجي وياك وحدي وانته ماموجود
الشاعر سمير صبيح
احجي وياك وحدي وانته ما موجود
واسولفلك عليه وانته مو يمي
واصيح واشتكيلك واصرخ من الاه
ولا جني اشتكيلك واحرك بدمي
تلم بيه حطب لتكلي المن بيك
لان جاسك برد ما كاتلك لمي
ولا قلبك عليه وتحزن من ارتاح
وتغني من القلب من اغرك بهمي
فصمه انه وتطمني وبس اضوك الماي
اصعد على التراب الكيف بطمي
واخضر يا خضار واعله فوك الكاع
وينذم اليذمني ويصغر بذمي
بس هيه المصيبه شوكت اكض الماي
وافك حلك القفص وايطيرن جلمي
وادلي اعلى الطعني وقاصت الاسرار
اكسرها واطش اعلى الخلك همي
واحط حد للقلق والخوف والوهواس
واحاسبها الجفوف الكثرت غمي
قبل شفت الطعني وكلت لا مو هذا
وشفت دمي اعلى سيفه وما كلت دمي
وهسه احجي واكول ودفله اصير وياك
بلملاكه حلو وما ينحمل شمي
واسولفلك عليه وانته مو يمي
واصيح واشتكيلك واصرخ من الاه
ولا جني اشتكيلك واحرك بدمي
تلم بيه حطب لتكلي المن بيك
لان جاسك برد ما كاتلك لمي
ولا قلبك عليه وتحزن من ارتاح
وتغني من القلب من اغرك بهمي
فصمه انه وتطمني وبس اضوك الماي
اصعد على التراب الكيف بطمي
واخضر يا خضار واعله فوك الكاع
وينذم اليذمني ويصغر بذمي
بس هيه المصيبه شوكت اكض الماي
وافك حلك القفص وايطيرن جلمي
وادلي اعلى الطعني وقاصت الاسرار
اكسرها واطش اعلى الخلك همي
واحط حد للقلق والخوف والوهواس
واحاسبها الجفوف الكثرت غمي
قبل شفت الطعني وكلت لا مو هذا
وشفت دمي اعلى سيفه وما كلت دمي
وهسه احجي واكول ودفله اصير وياك
بلملاكه حلو وما ينحمل شمي
ماتعلة بملك
الشاعر سمير صبيح
ما تعلة بملك طبعك حلو يعليك الي صاحب نزل من صعدت احوالة
مثل عود الشلب ما يعلة وشكد ماي عكس جذع النخل يصعد بالوشالة
عاين عالاصل وتشوف حجم العود لتصدك الشمس ويغرك خيالة
اخذ من النهر ما رَجَّع الفلاح يشك صدر الجرف واعذار يلكالة
وياهم عاينت ماشوف بس الخيل وغيري على الضهور تشوف خيالة
ﭽذبنة الاجة دلانة بالكَتال خفنة من الكتل كلنة يتراوالة
حط قطعة فحم وي جثة المكتول عود اخضر يطك لو مات كتالة
اليوصفلي النوارس حلوة بالتحنيط يضحك يانهر من هذا وامثالة
انة وروحي بدوي حاجيني عالعاكول ياجوري النزرعة واحنة رحالة
حتى علة الدمع تحسدني هاي الناس على كثر الجروح تكول هنيالة
دف اقبل نعم بس لا تصير شراع تنذم لو طحت والريح ميالة
مثل عود الشلب ما يعلة وشكد ماي عكس جذع النخل يصعد بالوشالة
عاين عالاصل وتشوف حجم العود لتصدك الشمس ويغرك خيالة
اخذ من النهر ما رَجَّع الفلاح يشك صدر الجرف واعذار يلكالة
وياهم عاينت ماشوف بس الخيل وغيري على الضهور تشوف خيالة
ﭽذبنة الاجة دلانة بالكَتال خفنة من الكتل كلنة يتراوالة
حط قطعة فحم وي جثة المكتول عود اخضر يطك لو مات كتالة
اليوصفلي النوارس حلوة بالتحنيط يضحك يانهر من هذا وامثالة
انة وروحي بدوي حاجيني عالعاكول ياجوري النزرعة واحنة رحالة
حتى علة الدمع تحسدني هاي الناس على كثر الجروح تكول هنيالة
دف اقبل نعم بس لا تصير شراع تنذم لو طحت والريح ميالة
ياعراق
الشاعر سمير صبيح
ياعراق
يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظaك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما يندهونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك
يريدونك تضيع وانتة نور بليل *** وتموت من العطش يالماي يردونك
ويضيعونك عجيب وانتة مثل الريح *** وين بيا مكان اتضيع يلكونك
مشوك بدرب ما مات جدمك بيه *** وحتى اتضيع كلش شدو اعيونك
وغشو عينك وايدك مزنجلة ومجتوف *** تهد هدة اسد لو ناس ينخونك
يل المغفي الجمر منقلة وبيك اتنام *** وهمة رماد موكة ما يجوونك
اذا ظaك طلعته وظل وراك ايحوم *** ابد لتخاف منهم ما يظلمونك
عاشرنة التعب والاه والحرمان *** كلها لخاطرك ولخاطر اعيونك
صرنالك جسر للنجم عبرناك *** وصغنة من الحزن ضحكات لعيونك
تعلكنة قطع سودة وعليها ارواح *** ما جنة قطع لا كحله لعيونك
يردونك صبخ والملح ياكل بيك *** ويردونك تبور وما يزرعونك
ويردونك تجف والماي يطلب ماي *** ويردونك تنام وما يندهونك
ما يدرون عركك بالارض ميموت *** ترد تحيه وتعيش شما يكطعونك
ذاك حسين حي وصير انتة مثل حسين *** بالشدة الخريطة اتصير ميمونك
يااااا مدري شوصفك شرد اكولن بيك *** عراق والعمر ما يسوة من دونك
ليلى انتة صرت والمثل ما ينقاس *** وشعبك من محبتك صار مجنونك
شيعوضني الدمع وانه الخسرته هواي
للشاعر سمير صبيح
شيعوضني الدمع وانه الخسرته هواي
وعلى رملة امل كل عمري وشلته
وانه الباكو نهاري ورحت ادوره بليل
والمسودن طبع ميعوف سالفته
على نفس الدرب ذبولي بس الصوف
حته ارجع واكول ذياب ماكلته
وانه الماصبر والعطش ماوازاه
دنت نفسه وذبح بالصحره راحلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته
بعد ماهد سهم كون الطريده بعيد
مابيهه فخر لو كول وصلته
وشفت عصفور ميت كل جرح مابيه
حرت هذه المنيه شلون واصلته
شلت راسي وشفت بالشجره عش محروك
كلت هذه السبب والحركه كاتلته
ونفس موته متت والجسد لحد الروح
وحسرات الجفن وبدمعي غسلته
وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته
دبسك ياضمير الصار بيه هواي
بسك هالعمر مايوم جاملته
حذر بسوالفي نكلة جدم صياد
وسال خاطرك مايوم جفلته
كصبه اعلى الجرف يدفعها روج الضيم
ويحنيني الهوى بس طبعي عدلته
وعلى رملة امل كل عمري وشلته
وانه الباكو نهاري ورحت ادوره بليل
والمسودن طبع ميعوف سالفته
على نفس الدرب ذبولي بس الصوف
حته ارجع واكول ذياب ماكلته
وانه الماصبر والعطش ماوازاه
دنت نفسه وذبح بالصحره راحلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليه
مو خالي كرم بس انه مللته
بعد ماهد سهم كون الطريده بعيد
مابيهه فخر لو كول وصلته
وشفت عصفور ميت كل جرح مابيه
حرت هذه المنيه شلون واصلته
شلت راسي وشفت بالشجره عش محروك
كلت هذه السبب والحركه كاتلته
ونفس موته متت والجسد لحد الروح
وحسرات الجفن وبدمعي غسلته
وسحب سيفه الزمن هل من منازل صاح
اعزل ماخفت والزمن نازلته
مالحته ابد لاكن ترسني جروح
بس عندي المهم ماعفته قاتلته
دبسك ياضمير الصار بيه هواي
بسك هالعمر مايوم جاملته
حذر بسوالفي نكلة جدم صياد
وسال خاطرك مايوم جفلته
كصبه اعلى الجرف يدفعها روج الضيم
ويحنيني الهوى بس طبعي عدلته
ياترافه تريدهه بشعري التفات
الشاعر سمير صبيح
يا ترافه تريدهه بشعري التفات
اتكلي اكتب عالغزل عن البنات
ياترافه تريدهه بشعري التفات
تكلي شعرك ليش اهات ودموع
انته حقك ما شفت خط الشروع
انته ساعة سين تعرفهه اشتلوع
الغايه تعرفهه تعرف الهاونات
شعري فك عينه لكه كباله نطاق
وبندقيه وسفري وحب العراق
حب له وحده والمواعيد التحاق
وجان موعدهم يتم بالعارضات
شعري شاف الموت ما شاف الورود
لا بنفسج لا اغاني لا وعود
الشاف ذوله كباله يكتب عالخدود
الشاف بعيونه التعوق واللي مات
هناك عندي عيون ظلت ما تنام
حته يبقه براحته يطير الحمام
هناك عالساتر عشت قصة غرام
جنت عاشك راجمه من الراجمات
وخلي اسولف لك بعد عن الحصار
والدمار الصار ما مثله دمار
ليل بغداد القصف سواه نهار
ليل بغداد القصف سواه نهار
ويا ترافه تريدهه بشعري التفات
من الصبح لليل اركض عالالف
بس طماطه و خبز ويخللص نتف
ونته مني تريد اكتب عالزف
شلون يثبت بالتراجي الغافيات
ويا علاقه اليوم مابيهه دغش
والعلاقه الطيبه تنشال بنعش
اشتعتقد سوزان ترتاح الشلش
لو دهش كشاخ وتحبه نجاة
عدنه ليله تبيع بالوكفه دهن
وقيس حمال ويكد بس عالبطن
من اسالت جوليت كالت بالسجن
روميو التعبان بايك تايرات
وخلي اوكف لك دمع عيني اليسيل
عن بثينه توكفه يحجي لك قليل
عدهه ست اطفال
عدهه ست اطفال صاروا من جميل
كلهم ايجدون بالشارع حفاة
يا ترافه تريدهه بشعري التفات
اتكلي اكتب عالغزل عن البنات
ياترافه تريدهه بشعري التفات
تكلي شعرك ليش اهات ودموع
انته حقك ما شفت خط الشروع
انته ساعة سين تعرفهه اشتلوع
الغايه تعرفهه تعرف الهاونات
شعري فك عينه لكه كباله نطاق
وبندقيه وسفري وحب العراق
حب له وحده والمواعيد التحاق
وجان موعدهم يتم بالعارضات
شعري شاف الموت ما شاف الورود
لا بنفسج لا اغاني لا وعود
الشاف ذوله كباله يكتب عالخدود
الشاف بعيونه التعوق واللي مات
هناك عندي عيون ظلت ما تنام
حته يبقه براحته يطير الحمام
هناك عالساتر عشت قصة غرام
جنت عاشك راجمه من الراجمات
وخلي اسولف لك بعد عن الحصار
والدمار الصار ما مثله دمار
ليل بغداد القصف سواه نهار
ليل بغداد القصف سواه نهار
ويا ترافه تريدهه بشعري التفات
من الصبح لليل اركض عالالف
بس طماطه و خبز ويخللص نتف
ونته مني تريد اكتب عالزف
شلون يثبت بالتراجي الغافيات
ويا علاقه اليوم مابيهه دغش
والعلاقه الطيبه تنشال بنعش
اشتعتقد سوزان ترتاح الشلش
لو دهش كشاخ وتحبه نجاة
عدنه ليله تبيع بالوكفه دهن
وقيس حمال ويكد بس عالبطن
من اسالت جوليت كالت بالسجن
روميو التعبان بايك تايرات
وخلي اوكف لك دمع عيني اليسيل
عن بثينه توكفه يحجي لك قليل
عدهه ست اطفال
عدهه ست اطفال صاروا من جميل
كلهم ايجدون بالشارع حفاة