ومضات جميله

مره واحد گلي احبك

اني راسا صدگيته

ومره واحد گتله احبك

درت وجهي ومالگيته
......................

روح كومه حجار راح اشمر وراك
انـته اســمك من مخيلتــي انمحــه
ردت افضحك بس درت وجهي ولكيت
واگــف اگبــالي الفشــل والمسـتحه

......................................

واجب انبوسك اذا مرينة بيك
ايطبة طوب الخلفك لومارضة
ايحطك ابيتة ويضل قافل عليك
اومن ورة الشباك ونبوسك قضة
.....................................
احبك ثم احبك ثم احبك موت
ماترهم اعوفك ونفرد وحدي
منو بكدي يحبك دور اتحداك
امك لاجذب متحبك بكدي
........................................
مو حزن
لكن حزين
مثل بلبل كعد متأخر
لكه البستان
كله إبلايه تين
مثل صندوك العرس
ينباع خردة عشك
من تمضي السنين
................................
لمتني جي اغار اعليك يفلان
حقك انته ماتدري شجرالي
شفت مره خيالي حدر لرجليك
جبت السيف ردت اذبح خيالي
..............................
رايح للوطن ..؟مكتوب اخذ وياك
وامانــــــــــــــــه بذمتك تطيه للباشـــــه ..
كلـــــــه الشعب يكره شوفة المسؤول
نوبه بقاط يطلـــــــــــع نـــــوبه دشداشه
باب الحاره خلص ردنه غيره نشوف؟
وكله مــــن( القيــــــادي) ملت الشاشه
..................................
تحب زعلي واحبك.. واكره الياذيك
وتعودت تنلجم من جفك اجروحي
وروحي الزعلتك زعلتني اليوم
اجت روحي اعله بابك تذبح بروحي
.................................
شجاني وامنت وتأملت كل خير
وشبسرعة الفرح بين على عيوني
سلمتك مشاعر مال عشر سنين
اولا حسبت لحظة يخيبن ظنوني
ومالومك عفتني معاشرك يومين
اني العاشرتهم عمر عافوني
..........................
بالمحكمه باجر نعلن وداع
جيب وياك جرحي وجيب كلشي
وجيب وياك حلمي وتعب السنين
واجيك انه واجيبن فقط نعشي
...................................