ثـــــــــــورة الـــــحـــــب
ثـــــــــــورة الـــــحـــــب
الشاعر حسن خليفه
أشهد أنته وحدك أحلى ماباالكون
ولغيرك أكص الساني ما أشهد
لان شفت الوصف قطره أبحر وياك
ووصافك شعدد ماأظن تنعد
شعرك غيمه سوده وجلجلت عالناس
كل خصله بحلك نزلت تبوس الخد
وجبينك نار كسرى اليخضعلها التاج
كم واحد بواحد بيك يتعبد
يل حاجبك سيف وسيف ذو حدين
من يصعد وينزل يكطع المبرد
ويل عينك سفاره ورمشك الاعلام
وبخدك حصانه ومايمسك حد
ويل نظره أعيونك ثقبت الاوزون
والقطب الجنوبي بلمستك يجمد
ويل كحلك الاهي وبالجفن مطبوع
يخجل من يلامس جفنك المرود
ويل خشمك غصن بس أنحنه من الشوكـ
دنكـ عالشفايف وخذ بوست ود
لان فوكـ الشفايف عصر روحه التين
ونواع الفواكه فوكـــه تتعدد
لاتضحك دخيلك لاطمع الناس
أسنانك زمرد خاف تتفرهد
وزلفك سعف نخله ومن تهب الريح
من عمده وعمد ينسطر فوكـ الخد
ويل أذنك خريطه لجنه الفردوس
مايدخلها بس البيك يتوحـد
جنح فراشه خدك من المسه يذوب
ولهذا السبب من لمسك أتردد
مثل مصباح سحري الحنج من ينجاس
والمارد ضواه فوكـ الوجه يمتد
ونته كبال وجهك صفن حتى النور
ذاتي النور بيك ومنك تولد
ركبتك روجه وكحه معانده السفان
من تعركـ ركبتك ينكسر كل سد
وجتفك حصن عالي وسور ماينجاس
واليعبر أسوارك بعد لم يولد
شعرك من يلامس جتفك أنه أحتار
روج يبوس جتفك باالجزر والمد
لان حدر الجتف سكنت الحور العين
سوت من أباطك للصلى معبد
صدرك هرم خوفو الدوخ التأريخ
مصدر كل حضاره بحلمتك تنشد
وعلن ثوره صدرك ونقلب مجبور
على سلطة قميصك كام يتمرد
يل أيدك كمر حتى الكمر مبخوت
لو قسته أبياظك يعتبر أسود
ويل بطنك حضانه أمتانيه الاطفال
أنه أول طفل في حضرتك أنعد
يبو ساكـ الشمس لاتحركـ المحروكـ
لو يعمى اليصدلك لو يصير أرمد
ومن تمشي أعلى كيفك ينفخ بالصور
والوادم تتبعك بيك تتعبـــد
مرقد كل بشر ينصب فوكـ الكاع
ونته بروحي حضره وضلك المرقد
شكد شايف بشر وشكد شفت حلوين
بس مثلك حلو ماأعتقد يوجد
المفروض لجمالك ينصب تمثال
حتى يضل جمالك دوم يتخلد
قاسوك أويه يوسف بالجمال الناس
فقت أنته أعلى يوسف موش سد بسد
الشاعر حسن خليفه
أشهد أنته وحدك أحلى ماباالكون
ولغيرك أكص الساني ما أشهد
لان شفت الوصف قطره أبحر وياك
ووصافك شعدد ماأظن تنعد
شعرك غيمه سوده وجلجلت عالناس
كل خصله بحلك نزلت تبوس الخد
وجبينك نار كسرى اليخضعلها التاج
كم واحد بواحد بيك يتعبد
يل حاجبك سيف وسيف ذو حدين
من يصعد وينزل يكطع المبرد
ويل عينك سفاره ورمشك الاعلام
وبخدك حصانه ومايمسك حد
ويل نظره أعيونك ثقبت الاوزون
والقطب الجنوبي بلمستك يجمد
ويل كحلك الاهي وبالجفن مطبوع
يخجل من يلامس جفنك المرود
ويل خشمك غصن بس أنحنه من الشوكـ
دنكـ عالشفايف وخذ بوست ود
لان فوكـ الشفايف عصر روحه التين
ونواع الفواكه فوكـــه تتعدد
لاتضحك دخيلك لاطمع الناس
أسنانك زمرد خاف تتفرهد
وزلفك سعف نخله ومن تهب الريح
من عمده وعمد ينسطر فوكـ الخد
ويل أذنك خريطه لجنه الفردوس
مايدخلها بس البيك يتوحـد
جنح فراشه خدك من المسه يذوب
ولهذا السبب من لمسك أتردد
مثل مصباح سحري الحنج من ينجاس
والمارد ضواه فوكـ الوجه يمتد
ونته كبال وجهك صفن حتى النور
ذاتي النور بيك ومنك تولد
ركبتك روجه وكحه معانده السفان
من تعركـ ركبتك ينكسر كل سد
وجتفك حصن عالي وسور ماينجاس
واليعبر أسوارك بعد لم يولد
شعرك من يلامس جتفك أنه أحتار
روج يبوس جتفك باالجزر والمد
لان حدر الجتف سكنت الحور العين
سوت من أباطك للصلى معبد
صدرك هرم خوفو الدوخ التأريخ
مصدر كل حضاره بحلمتك تنشد
وعلن ثوره صدرك ونقلب مجبور
على سلطة قميصك كام يتمرد
يل أيدك كمر حتى الكمر مبخوت
لو قسته أبياظك يعتبر أسود
ويل بطنك حضانه أمتانيه الاطفال
أنه أول طفل في حضرتك أنعد
يبو ساكـ الشمس لاتحركـ المحروكـ
لو يعمى اليصدلك لو يصير أرمد
ومن تمشي أعلى كيفك ينفخ بالصور
والوادم تتبعك بيك تتعبـــد
مرقد كل بشر ينصب فوكـ الكاع
ونته بروحي حضره وضلك المرقد
شكد شايف بشر وشكد شفت حلوين
بس مثلك حلو ماأعتقد يوجد
المفروض لجمالك ينصب تمثال
حتى يضل جمالك دوم يتخلد
قاسوك أويه يوسف بالجمال الناس
فقت أنته أعلى يوسف موش سد بسد