كسرت باب الكلب خليته مفتوح
كسرت باب الكلب خليته مفتوح
جمله اعله الفتح يعشكهه الاعراب
واذا بابك قفلته المشكله اتصير
كمت اسقل واعيد بليه اسباب
كلب دم يتوضه وثبت باااه
ركع بين الضلوع وسوى محراب
مثل كبر اليتيم الاسمه مثلوم
نمسح اسمه وقرتله الفاتحه اغراب
مشه لربه بقميص مطرز اشكوك
يتباهه بكل فخر ذن احلى الاثياب
نسى الحب وتقوى وطشرك ماس
تندم ضل يلم بصم التراب
نفض روحه بملامه ويه اليلومون
يحاسب عالدموع وتاه الحساب
تهامس ويه روحه وتمتم بمووت
وعاى الاحوط لكاك ابين الاجناب
سرب شوكك طيون من الابابيل
رمه احجار القيامه بنار الاعتاب
تحزم لايموت بسيف السنين
سحب سيفه ولكاه ميت بالكراب
عماد الاسدي