دمعة مقدســــــــــة...
دمعة مقدســــــــــة...
الشاعر مهيمن الاسدي
ما بجّاني بعدك مو لأن ناسيك ؟!
وفيّة الروح الك ما انكرت حبها
بس ..
تطلك عيوني بدمعة صار سنين !!
خايف تنولد والدنيه تكللبها .. !!
**
تره تحرك العالم دمعة الولهان ..
لأن مو مثل أي دمعه وأبد يها
هاي الدمعه سر .. وواجب الكتمان ؟!
تدري الدمعه هاي اشّايله ؟؟ شبيها ؟؟
شالت ؛
صورتك .. يل صورتك للآن
على حايط جروحي الحزن ناسيها !!
وشالت ؛
بسمتك .. يل بسمتك سلطان
على انقاض روحي الدنيه بانيها ..
وشالت ؛
صفنتك .. يل صفنتك سجّان
حريّة كللوب الناس بيد يها ..
وشالت ؛
نار حبك .. بس رضابك جان
مدري شلون يشعلها ويطفيها ؟!
وشالت ؛
روحك التحجي بكللب ، ولسان
ابلغ من كللب ، ولسان راعيها
وتكلي : الحب سفينة بذمة السفـّا ن
وعاد اهوه وضميره المن يوديها ؟؟
اكو بيهم .. يرسّيها بكللب انسان
واكو .. يغرك وياها ومايرسيها !!
وشالت ؛
عصف رقة جفنك النعسان
وخايف لاصور ذكراك يمحيها
وانه بيبان روحي .. مكسّرة من ازمان
وريحك هاجمتني شلون احاميها ؟؟
وشالت ؛
سيف لحظك يل نظرتك جان
تتلبس فكر كلمن نظر ليها !
وشالت ؛ كل مشاهد حسنك الفتّان
عروض بصالة احساسك تأديها ..
أذا تمشي بمدينه تصفّك الحيطان
وتحسّ الفرح بعيون اهاليها ..
ويصير الجسم مسرح ،، والخصر فنّان ،،
يسكر لو مشيتك طوّلت بيها
ياأجمل سفير بدولة الغزلان
ويل عينك سفارة .. بكل معانيها
ولسانك علم ،، كل ما يرف يفلان
عله شفافك دول تسجد تخليها !!
نعم شالت ؛
قسوتك والدموع اطنان ،،
كسرت ظهر عيني وكلت اباريها !
ماعندي دمع ينباع بالمجّان
الدمعة تريد حكها .. ولازم انطيها
الدمعة الماتخلي عللوجه نيشان ،،
هاي مدللة ومو دمعة اسمّيها
حرام تقيس دمعي بدمع اياً كان
تعال افهم دمعتي وشوف ماضيها ؟؟
كبل طور الجنين .. الدمعة بالوجدان !
باصلاب الجروح الحزن خافيها !؟
برحم دكات كللبي .. تكوّنت بركان !!
تعطش والكللب حسرات يسكيها !؟
وحبل سرّي الجفن ،، عفواً
(( حبل سهران ))
منّه بخاطري المكسور اغذّ يها ،،
لحد ... ما كبّرتها وشالتك ؛ عنوان
احتفظت بيك صورة بكل مآسيها ..
شالت ؛
ذ ل خضوعي بلحظة النسيان
ولذّة ذكرياتي الجنت ناسيها !!
شالت ؛
كل هذني ،، وانته يابطران
دمعه بهل ضخامه تريدني ابجيها ؟!!
الشاعر مهيمن الاسدي
ما بجّاني بعدك مو لأن ناسيك ؟!
وفيّة الروح الك ما انكرت حبها
بس ..
تطلك عيوني بدمعة صار سنين !!
خايف تنولد والدنيه تكللبها .. !!
**
تره تحرك العالم دمعة الولهان ..
لأن مو مثل أي دمعه وأبد يها
هاي الدمعه سر .. وواجب الكتمان ؟!
تدري الدمعه هاي اشّايله ؟؟ شبيها ؟؟
شالت ؛
صورتك .. يل صورتك للآن
على حايط جروحي الحزن ناسيها !!
وشالت ؛
بسمتك .. يل بسمتك سلطان
على انقاض روحي الدنيه بانيها ..
وشالت ؛
صفنتك .. يل صفنتك سجّان
حريّة كللوب الناس بيد يها ..
وشالت ؛
نار حبك .. بس رضابك جان
مدري شلون يشعلها ويطفيها ؟!
وشالت ؛
روحك التحجي بكللب ، ولسان
ابلغ من كللب ، ولسان راعيها
وتكلي : الحب سفينة بذمة السفـّا ن
وعاد اهوه وضميره المن يوديها ؟؟
اكو بيهم .. يرسّيها بكللب انسان
واكو .. يغرك وياها ومايرسيها !!
وشالت ؛
عصف رقة جفنك النعسان
وخايف لاصور ذكراك يمحيها
وانه بيبان روحي .. مكسّرة من ازمان
وريحك هاجمتني شلون احاميها ؟؟
وشالت ؛
سيف لحظك يل نظرتك جان
تتلبس فكر كلمن نظر ليها !
وشالت ؛ كل مشاهد حسنك الفتّان
عروض بصالة احساسك تأديها ..
أذا تمشي بمدينه تصفّك الحيطان
وتحسّ الفرح بعيون اهاليها ..
ويصير الجسم مسرح ،، والخصر فنّان ،،
يسكر لو مشيتك طوّلت بيها
ياأجمل سفير بدولة الغزلان
ويل عينك سفارة .. بكل معانيها
ولسانك علم ،، كل ما يرف يفلان
عله شفافك دول تسجد تخليها !!
نعم شالت ؛
قسوتك والدموع اطنان ،،
كسرت ظهر عيني وكلت اباريها !
ماعندي دمع ينباع بالمجّان
الدمعة تريد حكها .. ولازم انطيها
الدمعة الماتخلي عللوجه نيشان ،،
هاي مدللة ومو دمعة اسمّيها
حرام تقيس دمعي بدمع اياً كان
تعال افهم دمعتي وشوف ماضيها ؟؟
كبل طور الجنين .. الدمعة بالوجدان !
باصلاب الجروح الحزن خافيها !؟
برحم دكات كللبي .. تكوّنت بركان !!
تعطش والكللب حسرات يسكيها !؟
وحبل سرّي الجفن ،، عفواً
(( حبل سهران ))
منّه بخاطري المكسور اغذّ يها ،،
لحد ... ما كبّرتها وشالتك ؛ عنوان
احتفظت بيك صورة بكل مآسيها ..
شالت ؛
ذ ل خضوعي بلحظة النسيان
ولذّة ذكرياتي الجنت ناسيها !!
شالت ؛
كل هذني ،، وانته يابطران
دمعه بهل ضخامه تريدني ابجيها ؟!!