ليالي سود من بعدك شكن لك .. ابوذيات
من يوم عرفتك صارت بيه سكته ..
واذا احد يحجي عليه ارجوك سكته ..
صدكني اني احبك بس خليها سكته ..
انـطـيـنـي بـوسـه وطـفـي نـار بـيـه .
يـاوسـفـه أنـت اطـلـعـت جـذاب ..
تكول اني احبك وانت اطلعت جذاب ..
صـحـيـح أنـت بـجـمـالـك جـذاب ..
بس هاي سوالفك ميعبرن عليه .
صرت كهوه لحبيبي بوسط فنجان ..
فـن انـس الـي يوصـلـه فـن جان ..
اذا العاقل نضرلك نـضـره فـنـجـن ..
وانه المجنون وتكلي انظر اليه !.
اليالي سود من بعدك ...شكن لك
والك جم زيج يا الغالي...شكن لك
على غيابك شسولفلك ...شكلك
وحـيـدي والـخـلـك كـلـهـم عـليـه !.
احبكم مو لاجل حسنك ومالك..
والحب حلال براي حنيل ومالك..
اذا أنــت غــزالـة بـلايـة مالك..
شلون تريد اعوفك من اديه ؟!.
ميت بيك ميت والنفس خلصان
واتـشـاهـد إذا مــريــت بــيــه ..
حالي اوياك هيچي وإنته موجود
چـا شـيـصـيـر مـن تـبـعـد عـلـيـه ؟!