مجموعة قفشات شعريه..

السلام عليكم ورحمه الله وبركاته

هذه مجموعه من القفشات الشعريه العراقيه

لمجموعه من الشعراء العراقيين المبدعين

~~~~~~~~~~~~~~~~~~~~~~~~~~~~~~~~~~~~~~

مرأه عراقيه هدم الامريكان بيتها فقالت.....

لأن هدمت بيتي وجان طابوك!!؟

هاك اميه اشرب خاف فحطان؟؟

الشاعر يصف روح طفل عراقي استشهد تحاكي امه....

لفيني بعباتج ياضوه العين

لأن بردان وستوني غاسل

~~~~~~~~~~~~~~~~~~~~~~~~~~~~~~~~~~~~~~~~~~~~~~~

الشارع فاض من دمعي اعله فركاك

يسألونك تكلهم بوري مكسور؟؟!!

قصايد عالحزن ليش انتم تكتبون؟؟

عليمن هالتعب بس كتبوا اسمي!!!

هموم الدنيا سوت سلفه وياي

كل متصير قرعه يطلع اسمي!!

احس كلبي وكف من طاري الفراك

لذلك!!ما يدك من فاركتني...

الف صفنات بيه مثل مسجون!!

آخر ليله عنده ويصعد اعدام

شفت المطر هذا البلل الكيعان؟؟

بجيت اضعاف منه بساعه اغيابك

ألا ليت المشيب يعجل وياي ؟؟

لسولفله المصايب من جنت شاب

شفتك نار شاعل وآني بردان!!

اجيت ادفى طلعن ذكرياتي

بطلت الغزل هاك اسمع الاخبار

راجح اكتب حسيني واضمن الجنه

بيه جروح ما ينعدن كلش هواي

بحيث اصغر جرح سماني عمو!!

فراكك باب خيبر وانه مو كرار

وانا ابيبان بيتي اتعاجز لفتحهن

بنات ادموعي جانن حدهن الباب

عكب فركاك عاشن بالملاهي

يالـــماخذهة منــــي الليلة مــــا اوصيك

حبيبة گلبــــي هاي شتطلب إنطيهه -


.
بعتنا بسوك بي شراية بس شمات
واحنه بعز فقرنا ونستحي نبيعك



مثل يعقوب حزني بسبب فركاك
بيض اعيوني صارن غوشن كلش



.بديت ادفن احلامي الجانت
ومدري جم حلم ليهسه دافن



جرحك اوفى منك من اقيسة وياك
ما راح وتركني بكلبي ظل عايش

لتباوع علي عينك حلك موعين

بعدهه لهسه بيه عضت اعيونك



شـــــــمر جمااالك يكتــل الناااس!!!
شعجب مختــــاررر مــــا مر بمنطقتكم؟؟


.عود انت سويت الزعل رايد تعوف
انه صار سنين اصلا عايفك

مالومك عفتني معاشرك يومين
انه العاشرتهم عمر عافوني


رسميات وسفة ألملتقى أيصير
ألسلام أبلا حبيبي جنة طردة !!!!

كبل جان اليحن يتعنة للبيت
عساهة بختة من سوة الموبايل


البلبل بالقفص لو رايده يموت...
بس ذكره بعشرته ويالبساتين ...

.
ادك بيبان عنك وأسأل الناس
الشماته اتكلي طالع الله ينطيك

.
من كد ما تجي وتروح عالبال
ضل بعقلي بس اثار رجليك


.اهز كاروك جرحك واسهر وياه
شمالك يا جرح ما تغفه وتنام


اسولف ظيم حبي للعصافير
اخذن مني جكاره وكامن يدخنن


كتبت ذكرى {احبك} شككتهه شلون؟؟
انا حته {الاكرهك} محتفظ بيهه


انه اريد انساك بس شوكك جبير
وارد اكولك روح بس تطلع تعال
.

حسبالك جـــبان وخايف من الموت
آني الموت يرجف من يوگف گبـالي


سبيت امة محمد بالجمال البيك
اشايل من جمال؟؟ اشتعلوا اهلك ! .
.

يل وجهك درس ما ينحفظ للموت
وعيونك مسائل ياهو اليحلهن..؟

حلف بالله العميد وكال للطلاب ..
اليحفظ سطر منك ينجح ابكلهن

انه انطيتك كلب شايل هوه العشرين
ليش ترجعه شايب بيده عكازه؟؟


تمسح رقمي عادي او ينتهي الموضوع
عدنة ايام حلوة اشلون تنساهن.....؟ .
.
يالمنطيني ظهرك عادي الله ويـــــــــــاك
بس سولفلي وجهك المن انطيتـــــــه ؟؟


جرحك حيل شاطر طالع اعفاء
لأن خريج كليه خناجر...

.من كد الندم ماعندي بعد اجفوف
اصبع صار كلبي وحيل عظيته؟؟؟

.
حان الآن موعد الله وياك ..!!!
حسب شلعان كلبي وكثرت النـــــــــوح ..؟؟

.ربك مو عبث من نزل الماي ،،،
لأن يدري اليشوفك لازم يغص !
.

.راح انساك لكن صورتك بالعين
اذا رايدهه ؟..خادم اشلع عيوني !!!

.عبرت وياك مرحلت العلاقات
اليظن نتفارك من الناس مجنون

.
گظيت العمر كله اركض وراك
ويسألوني واگلهم لا!! رياضة.

اشم عطاب يطلع من الضلوع
اظن كلبي احترك يوم العفتني
.


صرت وياي شايل طبع عزرائيل
تلاكيني عدل وتعوفني جنازه .؟

امس سولفت يمي وصار ماصار
مشيت وكمت ابوس بالسوالف


الو اتفضل نعم منو وياي
طلع غدار ماسح حتى رقمي

من كد ما عليك تعود الراس
احط اسمك وانام بلا مخده

اشم ريحه اهدومي الظامهه من اسنين
لأن مرة حضنتك وااااااااني لابسهن


على نيتي هويتك وانته تدري بهاي
هويتك جن طفل علفطره حب امه


صدك كلبك جبير وشايل الكون
لكن من حجر مايرهم اوياي


حلم فركاك ليش تحقق بساع
وحلم بي نلتقي مامر بالأحلام


شلت جرحي اعله ظهري وشافته الناس
اذا سئلو شكلهم ؟؟جــــــرحي


شفتهن بيك كل اثار الافراك
عليمن مستحي فاركني وارتاح


كبر جرحي بغيابك صار ميشوف
تكودا الناس وتعبره الشــــــوارع


جبت بيدي ملح رشيت الجروح
ردت وياك حته ابجرحي اغزر --


شعجب جرحك اجاني اليوم ماصخ
اذا ملحك خلص خليلي تيــــــــــزاب


يــقــولـــوا أن الــصــبـــر مــفــتـــاح الــفـــرج
بـــس كـــأنـــه الــفـــرج غــيـــر الــمــفـــتـــاح


مو شرط البياض ايجيب الافراح
اجاني الشيب سود كل حياتي


من صافحتك انه وكتلك الله اوياك
شفت ادموع نزلت مـــن اضافيري