من بابك امس مريت بسكوت

من بابك امس مريت بسكوت

خاف احجي وافزز ذيج الايام ..

ماموجود اعرفك بس امر بيك

على دروبك تراهه تخف الاجدام ..

حلم فركاك ليش اتحقق ابساع

وحلم بي نلتقي مامر بالاحلام ..

صفنت اباب بيتك صفنة اموات

صفنة شكد سوالف بيها الك ضام ..

من كد مادعيت ابابك سنين

تخيلني الخلك كمت اعبد اصنام ..

تعال , اقبل تره لو خاين تعود

ومن تعود اكولن خان الاوهام ..

اريد اكشخ ضحك ثوب الدمع باد 

شرط ضحك الطفولة الابيض الخام ..

انـّوم روحي تصرخ خايب شبيك

د نــّـوم ذكرياتك خاطر انا انام ..