ابوذيات رحيم المالكي

الشهيد الشاعر رحيم المالكي

سلطان اعله روحي من يعلك
ويالعاذل بهمي من يعلك
لا تأمن بدهرك من يعليك
تره بنفخة هوه ترد للوطيه


يدنياي المصايب عَلي جدري
يتكالب ما برد فد يوم جدري
آنه الصرت كالمصيوب جدري
اليراني يشيل ويعوف الثنيه

ترف يل صورك ربك من العين
أخاف عليك من تمشي من العين
أنا معذور يمدلل من العن
ابوك الخلفك للناس اذيه

يكاد الثوب ينشك من نهدهه
وفرح ماشاف كلبي منهدهه
بي حسره عليهه من اهدهه
الوادم تحترك وانه سويه

اتنخه تريد اجيك اليوم بالحال
وانته اعرف حبيب الروح بالحال
شمحلهه وياك ما تقتنع بالحل
ادليك الدرب وترد عليه

أنه المكسور دومي من لحمني
اشد خيوط ربعي من لحمني
أبي وما كلت روحي من لحم ني
تلحك تستوي وتنطيهه اديه