ومضات رائعه لعدة شعراء...

لزرعت اسنيني ضوة مرت ظلام

ولجمت اجروحي الكلت ما تلجم

مـرت وفارسـهة كايـد منهـة ايـد

وانـي مـن ايامـهة كـايد حــلــم

الشاعر انيس العيساوي










انت بكل وكت موجود وياي

جنت مره امشي وحدي وبي كشفته

باوعت الارض بيه خيالين

واحد اني بي و واحد انته

الشاعر مصطفى عباس







وصرت اغار هواي من عندي عليك

وكل جزء بيه عليك يعاني

ولأن هواي يحجي وياك اللسان

كمت اسولفلك بدون الساني

الشاعر حيدر السفاح







سولف كول الك واهس تظل وياي

واذا ماألك واهس كول لاتخجل

ما اقبل احبك وانت مامرتاح

وما ارتاح احبك وانت ما تقبل

الشاعر جبار رشيد










اني ما اكلك عليك شكد اموت

وما أكلك شنهو معناتك الي

انته مني شلون هارون واخيه

مني منزلتك محمد من علي

الشاعراحمد الحسيني







افراكك مو مسافة لا فراك اكلوب.

لذلك مادريت احترك وحنه اكراب.

مسافة بابكم عن بابي مدة راس؟

شنو الغرفة حضرتك ماوصل عطاب؟!

الشاعر رائد ابو فتيان






















ولو حاشاك ما كلت انته بيه اجفيت

انه الجافي وي روحي وصاحب التهمه

يفض خلكي من احس محاضنك مفضوض

وما احس ايتلايم جسمك وجسمه

يسألوني وحرقتي بأي جواب اتصير

...شكلهم عافني ماصارت القسمه

انه اتمنيت جفك جف شخص صياد

يموتني ولا اتعلعل بلجمه

الشاعرامجد الدراجي







المتت اني الخاطره.. عايش سعيد؟؟

وفوك موتي موت بكلبي الرجه ....

لاحضر تشيعي لاصرخ وراي...

حالة حال الغربة بالثالث اجه....

للشاعر رائد ابوفتيان










حقي من اختصر وياك بالشوف ...

موسهله القضيه وحيل خطره

ضامي وخاف اخلصك من اصد ليك ...

لذلك كمت اشوفك قطره قطره

الشاعر حامد الشمري







اظمك وين ؟كلي وروحي ترتاح

اذا وسط الكلب واطراف تشتاك

ياشهكة نفس بللاوعي تصير

الم ويصيح بيه شلون انساك

الشاعر مصطفى عباس البغدادي




مره زعلني وضجت وكلت هاهي انتهت بيناتنه

وحتى لو صدفه وتلكينه بدرب اعتيادي تنعكس خطواتنه

وشائت الصدفه وتلاكينه بدرب هو رايح وانا جاي

ردت ارجع! كلبي شك صدري وطفر وافتر وراي

وكام يدفعني على دربه فدوه فدوه والله اخر مره هاي

الشاعر نائل المظفر